Covid19
കൊവിഡ് 19: ചെറുപ്പക്കാര്ക്കും മരണസാധ്യതയെന്ന് ലോകാരോഗ്യ സംഘടന
ജനീവ | കൊവിഡ് വൈറസ് ബാധ മൂലം ചെറുപ്പക്കാര്ക്കും മരണസാധ്യതയെന്ന് ലോകാരോഗ്യസംഘടന. ചെറുപ്പക്കാര്ക്ക് മരണസാധ്യത കുറവെന്ന പ്രചാരണം തെറ്റെന്ന് വേള്ഡ് ഹെല്ത്ത് ഓര്ഗനൈസേഷന് ഡയറക്ടര് ജനറല് അറിയിച്ചു. കൊവിഡ് മരണങ്ങള് കൂടുതല് റിപ്പോര്ട്ട് ചെയ്തിരിക്കുന്നത് പ്രായമായവരിലാണ്. അതുകൊണ്ട് തന്നെ മുതിര്ന്നവരാണ് കൊവിഡിന് പെട്ടെന്ന് കീഴ്!പ്പെടുന്നതെന്നും ചെറുപ്പക്കാര് സുരക്ഷിതരാണെന്നുമുള്ള തോന്നലുണ്ട്. എന്നാല് കാര്യങ്ങളുടെ സ്ഥിതി അങ്ങനല്ലെന്നും ലോകാരോഗ്യ സംഘടന വ്യക്തമാക്കി.
ലോകത്താകമാനം കൊവിഡ് ബാധിച്ച് മരിച്ചവരുടെ എണ്ണം പതിനൊന്നായിരം കടന്നിരിക്കുകയാണ്. 11,378 പേരാണ് ഇതുവരെ മരിച്ചത്. ഇറ്റലിയില് മരിച്ചവരുടെ എണ്ണം നാലായിരം കടന്നു. ഇന്നലെ മാത്രം 627 പേരാണ് ഇറ്റലിയില് മരിച്ചത്. ആറായിരത്തോളം പേര്ക്ക് ഇറ്റലിയില് ഇന്നലെ പുതുതായി രോഗം സ്ഥിരീകരിച്ചു. മുപ്പതിനായിരത്തോളം പുതിയ കേസുകളാണ് ലോകത്താകമാനം ഇന്നലെ റിപ്പോര്ട്ട് ചെയ്തത്. ഇതോടെ കൊവിഡ് ബാധിതരുടെ എണ്ണം 275143 കടന്നു.