Prathivaram
സ്വത്വം
നിന്റെ കുലനാമമെന്ത്?
അച്ഛന്റെ പേര്?
ഭാഷ?
മതം?
കഴിക്കുന്നതെന്ത്?
ഇതൊന്നുമറിയില്ലേ
കടന്നുപോകൂ
നിനക്കിവിടെയിടമില്ല
ആരാണ് നീ?
സ്വത്വമെന്ത്?
എവിടെ താമസിക്കുന്നു?
എവിടെ പഠിച്ചു?
പറയൂ ഞങ്ങളോടെല്ലാം
ഇല്ലെങ്കില്‍ നീയൊരു രാജ്യദ്രോഹി
നീ ആരാണ്?
നിന്നെ സഹായിക്കുന്നവരാര്?
രജിസ്റ്റര്‍ ചെയ്തതാണോ നിന്റെയഞ്ച് തലമുറകള്‍?
ധരിക്കുന്നതെന്ത്?
ഗോബാര്‍- ധന്‍ അക്കൗണ്ടുണ്ടോ?
ഇല്ലേ?
നീയൊരു നിയമവിരുദ്ധ കുടിയേറ്റക്കാരന്‍
ശ്രവിക്കാറുണ്ടോ മന്‍ കി ബാത്്?
ഭരണാധികാരിക്കെതിരില്‍ എഴുതാറുണ്ടോ?
ഫോണില്‍ ആധാറുണ്ടോ?
പേ-ബി-ടീമില്‍ അംഗമാണോ?
എല്ലാ രേഖകളും രജിസ്റ്റര്‍ ചെയ്തുവോ?
മര്‍ദകര്‍ക്കെതിരാണോ നീ?
എങ്കില്‍ നിനക്കിടമില്ലിവിടെ
നീയൊരു തീവ്രവാദി തന്നെ.
എന്താണ് കഴിക്കാറ്?
എങ്ങോട്ടൊക്കെ പോകുന്നു?
വ്യത്യസ്ത മതക്കാരനാണോ?
ദളിതനാണോ, ക്രിസ്ത്യന്‍, ന്യൂനപക്ഷം?
രാവണനെ പിന്തുണക്കുന്നില്ലേ?
എന്നാല്‍ ഏകാന്തവാസത്തിന് പോയ്‌ക്കോളൂ
ഭരിക്കുന്നവരുടെ അധികാരമറിയുമോ?
പീഡകന്റെ ഇടനിലക്കാരെയോ?
പ്രതിഷേധ ശബ്ദമുയര്‍ത്താറുണ്ടോ?
അധികാരിക്കെതിരാണോ നീ?
എങ്കില്‍, നീയൊരു ദേശവിരുദ്ധന്‍
പോയ് തുലയൂ…
(അസമില്‍ ദേശീയ പൗരത്വ രജിസ്റ്ററിന്റെ അന്തിമ കരട് പ്രസിദ്ധീകരിച്ച പശ്ചാത്തലത്തില്‍ ബി ജെ പി സര്‍ക്കാറിനെ വിമര്‍ശിച്ച് പശ്ചിമ ബംഗാള്‍ മുഖ്യമന്ത്രി മമത ബാനര്‍ജി രചിച്ച കവിത. 2016ലെ നോട്ട് നിരോധന വേളയിലും മോദി സര്‍ക്കാറിനെ രൂക്ഷമായി വിമര്‍ശിച്ച് അവര്‍ കവിതയെഴുതിയിരുന്നു).
Latest
കെ ചന്ദ്രശേഖര്‍ റാവുവിനെ തെരഞ്ഞെടുപ്പ് കമ്മീഷന്‍ പ്രചാരണത്തില്‍ നിന്ന് വിലക്കി
ചിഹ്നം ലോഡ് ചെയ്ത വിവിപാറ്റ് യൂണിറ്റ് സ്ഥാനാര്‍ഥി സാക്ഷ്യപ്പെടുത്തണമെന്ന് തെരഞ്ഞെടുപ്പ് കമ്മിഷന്റെ പുതിയ പ്രോട്ടോക്കോള്‍
കോള കുടിക്കരുത്! പക്ഷേ, ഇക്കാര്യങ്ങൾക്ക് സംഭവം പൊളിയാണ്...
കിണറ്റില്‍ വീണ പന്ത് എടുക്കുവാന്‍ ശ്രമിക്കുന്നതിനിടയില്‍ കിണറ്റില്‍ വീണ് പത്ത് വയസ്സുകാരന്‍ മരിച്ചു
കത്തുന്ന വേനലില്‍ പാടങ്ങളില്‍ തീ പടര്‍ന്നു
ലൈംഗിക പീഡന ആരോപണം; താന്‍ സ്ഥലത്തില്ലെന്ന പ്രതികരണവുമായി പ്രജ്വല്‍ രേവണ്ണ
