Gulf
കുവൈത്തില്‍ കോപ്പറേറ്റിവ് സ്‌റ്റോറുകളിലും ഇനി സ്വദേശികള്‍
കുവൈത്ത് സിറ്റി: കുവൈത്തില്‍ കോപ്പറേറ്റിവ് സ്‌റ്റോറുകളില്‍ വിദേശികളെ ജോലിക്ക് വെക്കുന്നത് നിര്‍ത്തലാക്കാനും, പകരം സ്വദേശികളെ നിയമിക്കാനും തീരുമാനിച്ചതായി യൂണിയന്‍ ഓഫ് കോപ്പറേറ്റിവ് സൊസൈറ്റിസ് ചെയര്‍മാന്‍ ഡോ. സഅദ് മുബാറക് അല്‍ ശഅബു വെളിപ്പെടുത്തി.
സ്വദേശികളെ നിയമിക്കുമ്പോള്‍ അവര്‍ക്ക് നല്‍കേണ്ട ശമ്പളം മറ്റു ആനുകൂല്യങ്ങള്‍ , ആവശ്യമായ പരിശീലനം തുടങ്ങിയ കാര്യങ്ങള്‍ പഠിക്കാനായി ഹൈലെവല്‍ കമ്മിറ്റി രൂപീകരിച്ചിട്ടുണ്ട് , അവര്‍ തൊഴില്‍ സാമൂഹ്യക്ഷേമ മന്ത്രാലയവുമായും ,സ്വദേശിവല്‍ക്കരണ പദ്ധതിക്ക് മേല്‍നോട്ടം വഹിക്കുന്ന മാന്‍പവര്‍ ആന്‍ഡ് ഗവണ്‍മെന്റല്‍ റീഓര്‍ഗനൈസേഷണല്‍ കമ്മിറ്റിയുമായും ഏകോപിച്ച് പദ്ധതി പ്രാവര്‍ത്തികമാക്കും. ഡോ. സഅദ് വ്യക്തമാക്കി.
സര്‍ക്കാര്‍ സബ്‌സിഡിയോടെ പ്രവര്‍ത്തിക്കുന്ന അര്‍ദ്ധസര്‍ക്കാര്‍ സ്ഥാപനങ്ങളായ കോപ്പറേറ്റിവ് സൊസൈറ്റികള്‍ക്ക് കുവൈത്തിലെ എല്ലാ ഏരിയകളിലും ഹൈപ്പര്‍ മാര്‍ക്കറ്റുകളും സൂപ്പര്‍ മാര്‍ക്കറ്റുകളുമുണ്ട്. കുവൈത്തിന്റെ ഭക്ഷ്യപൊതുവിതരണ സംവിധാനം പ്രവര്‍ത്തിക്കുന്നതും കോപ്പറേറ്റിവ് സൊസൈറ്റി മുഖേനയാണ്. ആയിരക്കണക്കിന് വിദേശികള്‍ വിവിധ തസ്തികകളിലായി ഈ മേഖലയില്‍ ജോലി നോക്കുന്നുണ്ട്. പുതിയ തീരുമാനം ഒന്നോ രണ്ടോ വര്‍ഷംകൊണ്ട് മാത്രമേ പ്രാവര്‍ത്തികമാകൂ എങ്കിലും വിദേശികള്‍ക്ക് ഇതും ഒരു തൊഴില്‍ ഭീഷണി തന്നെയാണ് .
Latest
പതിനേഴുകാരിയെ വിവാഹ വാഗ്ദാനം നല്‍കി നിരന്തരം പീഡിപ്പിച്ചു; 24കാരന്‍ പിടിയില്‍
അതിതീവ്ര മഴ; തമിഴ്‌നാട്ടിൽ 4 ജില്ലകളിൽ റെഡ് അലർട്ട്
ലോക്‌സഭാ തിരഞ്ഞെടുപ്പ്: 8889 കോടിയുടെ പണവും സാധനങ്ങളും പിടിച്ചെടുത്തു; പിടിച്ചെടുത്തവയില്‍ 3,959 കോടിയുടെ മയക്ക്മരുന്നും
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
