National
അഖിലേഷ് മുഖ്യമന്ത്രി സ്ഥാനാര്‍ഥി; പാര്‍ട്ടി ഒറ്റക്കെട്ടായി തിരഞ്ഞെടുപ്പിനെ നേരിടും: മുലായംസിംഗ് യാദവ്
ന്യൂഡല്‍ഹി: സമാജ്‌വാദി പാര്‍ട്ടി പിളര്‍പ്പിന്റെ വക്കില്‍ നില്‍ക്കെ സമവായ ശ്രമങ്ങളുമായി ദേശീയ അധ്യക്ഷന്‍ മുലായംസിംഗ് യാദവ് രംഗത്ത്. എതിര്‍ച്ചേരിയിലുള്ള മകനും മുഖ്യമന്ത്രിയുമായ അഖിലേഷ് യാദവ് തന്നെയാണ് വരുന്ന നിയമസഭാ തിരഞ്ഞെടുപ്പിലും പാര്‍ട്ടിയുടെ മുഖ്യമന്ത്രി സ്ഥാനാര്‍ഥിയെന്ന് മുലായം വ്യക്തമാക്കി.
അഖിലേഷിനും തനിക്കുമിടയില്‍ യാതൊരുവിധ പ്രശ്‌നങ്ങളുമില്ലെന്നും പാര്‍ട്ടിയിലെ ഇപ്പോഴത്തെ പ്രശ്‌നങ്ങള്‍ക്ക് കാരണം ഒരു വ്യക്തി കുടിപ്പക തീര്‍ക്കുന്നതാണെന്ന് മുലായം സിംഗ് യാദവ് വ്യക്തമാക്കിയതിന് പിന്നാലെയാണ് അഖിലേഷ് തന്നെയാണ് പാര്‍ട്ടിയുടെ മുഖ്യമന്ത്രി സ്ഥാനാര്‍ഥിയെന്ന മുലായംസിംഗിന്റെ പ്രഖ്യാപനം. പാര്‍ട്ടിയില്‍ പിളര്‍പ്പില്ലെന്നും ഒറ്റക്കെട്ടായി പാര്‍ട്ടി തിരഞ്ഞെടുപ്പിനെ നേരിടുമെന്നും മുലായം വ്യക്തമാക്കി.
പാര്‍ട്ടിയുടെ തിരഞ്ഞെടുപ്പ് ചിഹ്നമായ സൈക്കിളിന്റെ കാര്യത്തില്‍ ചില തര്‍ക്കങ്ങളുണ്ടെന്നും അത് തിരഞ്ഞെടുപ്പ് കമ്മീഷന്‍ പരിഹരിക്കുമെന്നും അദ്ദേഹം വ്യക്തമാക്കി. പാര്‍ട്ടിയിലുണ്ടായ മുഴുവന്‍ പ്രശ്‌നങ്ങളും ഉടന്‍ പരിഹരിക്കുമെന്നും മുലായം ആത്മവിശ്വാസം പ്രകടിപ്പിച്ചു.
അതേസമയം, 90 ശതമാനം പാര്‍ട്ടി ജനപ്രതിനിധികളും അംഗങ്ങളും തങ്ങള്‍ക്കൊപ്പമാണെന്ന് വ്യക്തമാക്കി രാംഗോപാല്‍ യാദവ് രംഗത്തെത്തിയിട്ടുണ്ട്. പത്രികാസമര്‍പ്പണത്തിനുള്ള നടപടികള്‍ ഉടന്‍ ആരംഭിക്കുമെന്നും രാംഗോപാല്‍ യാദവ് അറിയിച്ചു.
Latest
പതിനേഴുകാരിയെ വിവാഹ വാഗ്ദാനം നല്‍കി നിരന്തരം പീഡിപ്പിച്ചു; 24കാരന്‍ പിടിയില്‍
അതിതീവ്ര മഴ; തമിഴ്‌നാട്ടിൽ 4 ജില്ലകളിൽ റെഡ് അലർട്ട്
ലോക്‌സഭാ തിരഞ്ഞെടുപ്പ്: 8889 കോടിയുടെ പണവും സാധനങ്ങളും പിടിച്ചെടുത്തു; പിടിച്ചെടുത്തവയില്‍ 3,959 കോടിയുടെ മയക്ക്മരുന്നും
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
