Kozhikode
നാദാപുരം ഡി വൈ എസ് പി ഓഫീസ് ഉദ്ഘാടനം രണ്ടാമതും മുടങ്ങി
നാദാപുരം: നാദാപുരം ഡി വൈ എസ് പി ഓഫീസിന്റെ ഉദ്ഘാടനം വീണ്ടും മുടങ്ങി. രണ്ട് വര്‍ഷം മുമ്പ് പ്രവര്‍ത്തനമാരംഭിച്ചെങ്കിലും ഇതുവരെ ഉദ്ഘാടനം നിര്‍വഹിച്ചിരുന്നില്ല. രണ്ട് മാസം മുമ്പ് ഉദ്ഘാടനം നടത്താന്‍ തീരുമാനിക്കുകയും സ്വാഗത സംഘം രൂപവത്കരിക്കുകയും ചെയ്തിരുന്നു. എന്നാല്‍ സ്വാഗത സംഘത്തില്‍ കോണ്‍ഗ്രസിന് അര്‍ഹമായ പ്രാതിനിധ്യം ലഭിക്കാഞ്ഞത് വിവാദമായതിനെ തുടര്‍ന്ന് ഉദ്ഘാടനം മാറ്റിവെച്ചു.
വീണ്ടും ഉദ്ഘാടനം നീളുന്നതിനിടയില്‍ കഴിഞ്ഞ ദിവസം എടച്ചേരി സ്റ്റേഷനില്‍ ലൈബ്രറി ഉദ്ഘാടനത്തിന് ആഭ്യന്തര മന്ത്രി രമേശ് ചെന്നിത്തല എത്തിയപ്പോള്‍ നാദാപുരത്തെ ഡി വൈ എസ് പി ഓഫീസ്, ജനമൈത്രീ റിസോഴ്‌സ് സെന്റര്‍, ഡോര്‍മിറ്ററി എന്നിവ ഉദ്ഘാടനം ചെയ്യാത്ത കാര്യം ഇ കെ വിജയന്‍ എം എല്‍ എയും മുല്ലപ്പള്ളി രാമചന്ദ്രന്‍ എം പിയും അദ്ദേഹത്തിന്റെ ശ്രദ്ധയില്‍ പെടുത്തി. ഉടന്‍ മന്ത്രി തന്നെയാണ് 21 ന് ഉദ്ഘാടനം ചെയ്യാമെന്നറിയിച്ചത്.
കമാനം, സ്റ്റേജ് ഉള്‍പ്പെടെ മുഴുവന്‍ പൂര്‍ത്തിയാക്കിയതിനിടയിലാണ് ഇന്നലെ വൈകീട്ട് ചെന്നിത്തലയുടെ പരിപാടി ഫിബ്രവരി ആറിലേക്ക് മാറ്റിയതായി സന്ദേശമെത്തിയത്.
സന്ദേശമെത്തുമ്പോഴും നാദാപുരം സ്റ്റേഷന്‍ പരിസരത്ത് വേദിയുടെയും പന്തലിന്റെയും അവസാന മിനുക്ക് പണി നടക്കുകയായിരുന്നു. പോലീസുകാര്‍ക്കും സംഘാടകര്‍ക്കും ഉദ്ഘാടന ചടങ്ങ് വിജയിപ്പിക്കാനുള്ള ഒരുക്കം സജീവമായി തുടരുകയായിരുന്നു. ചടങ്ങ് മുടങ്ങിയത് ഏറെ സാമ്പത്തിക നഷ്ടത്തിനും കാരണമായി.
Latest
പതിനേഴുകാരിയെ വിവാഹ വാഗ്ദാനം നല്‍കി നിരന്തരം പീഡിപ്പിച്ചു; 24കാരന്‍ പിടിയില്‍
അതിതീവ്ര മഴ; തമിഴ്‌നാട്ടിൽ 4 ജില്ലകളിൽ റെഡ് അലർട്ട്
ലോക്‌സഭാ തിരഞ്ഞെടുപ്പ്: 8889 കോടിയുടെ പണവും സാധനങ്ങളും പിടിച്ചെടുത്തു; പിടിച്ചെടുത്തവയില്‍ 3,959 കോടിയുടെ മയക്ക്മരുന്നും
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
