National
ഡല്‍ഹി: ബി ജെ പി 'കുതിരക്കച്ചവടത്തിന്റെ' വീഡിയോ എ എ പി പുറത്ത് വിട്ടു
ന്യൂഡല്‍ഹി: ഡല്‍ഹിയില്‍ സര്‍ക്കാര്‍ രൂപീകരിക്കാന്‍ ബി ജെ പി ആം ആദ്മി പാര്‍ട്ടി എം എല്‍ എമാരുമായി വിലപേശുന്നതിന്റെ വീഡിയോ ക്ലിപ്പുകളുമായി അരവിന്ദ് കെജരിവാള്‍ രംഗത്ത്. സര്‍ക്കാര്‍ രൂപീകരണത്തിന് ബി ജെ പി കുതിരക്കച്ചവടം നടത്തുകയാണെന്നും ഇതിന്റെ തെളിവുകള്‍ ചൊവ്വാഴ്ച്ച സുപ്രീംകോടതിയില്‍ സമര്‍പ്പിക്കുമെന്നും കെജരിവാള്‍ പറഞ്ഞു.
ബി ജെ പി നേതാക്കന്‍മാരായ ഷേര്‍ സിംഗ് ദാഗര്‍, രഘുബീര്‍ ദാഹിയ എന്നിവര്‍ എ എ പി എം എല്‍ എമാരായ ദിനേഷ് മൊഹാനിയ, വിവേക് യാദവ് എന്നിവരെ സ്വാധീനിക്കാന്‍ ശ്രമിക്കുന്നതിന്റെ ദൃശ്യങ്ങള്‍ അടങ്ങിയ വീഡിയോ എ എ പി വെബ്‌സൈറ്റില്‍ പോസ്റ്റ് ചെയ്തിട്ടുണ്ട്. വീഡിയോ ക്ലിപ്പുകളുടെ ആധികാരിത വ്യക്തമായിട്ടില്ല.
അതേസമയം കെജരിവാളിന്റെ ആരോപണം ബി ജെ പി നിഷേധിച്ചു. ബി ജെ പി ഒരിക്കലും രാഷ്ട്രീയ കുതിരക്കച്ചവടത്തിന് ശ്രമിച്ചിട്ടില്ലെന്നും കെജരിവാളിന്റെ ആരോപണത്തിന് പിന്നില്‍ ഗൂഢാലോന ഉണ്ടെന്നും ഡല്‍ഹി ബി ജെ പി നേതാവ് വിജേന്ദര്‍ ഗുപ്ത മാധ്യമങ്ങളോട് പറഞ്ഞു.
Latest
തോമസ് കപ്പ്: ഇന്ത്യ ക്വാര്‍ട്ടറില്‍
ഓയൂരില്‍ ആറ് വയസുകാരിയെ തട്ടിക്കൊണ്ടുപോയ കേസ്; അനുപമയുടെ ജാമ്യാപേക്ഷ തള്ളി
പരുക്കേറ്റ് ചികിത്സയിലായിരുന്ന യുവ പണ്ഡിതൻ നിര്യാതനായി
പതിനഞ്ചുകാരിയെ ലൈംഗികമായി പീഡിപ്പിച്ച കേസില്‍ പ്രതിക്ക് 21 വര്‍ഷം കഠിന തടവും 1.75 ലക്ഷം രൂപ പിഴയും
ഭിന്നശേഷിക്കാരിയായ 15കാരിയെ പീഡിപ്പിച്ച് ഗര്‍ഭിണിയാക്കി; യുവാവിന് 106 വര്‍ഷം കഠിന തടവും രണ്ടര ലക്ഷം രൂപ പിഴയും ശിക്ഷ
ലോക്‌സഭാ തിരഞ്ഞെടുപ്പ്: സംസ്ഥാനത്ത് 71.27 ശതമാനം പോളിങ്; അന്തിമ കണക്കുകള്‍ പുറത്തുവിട്ട് തിരഞ്ഞെടുപ്പ് കമ്മിഷന്‍
