Eranakulam
മംമ്ത വിവാഹ മോചിതയായി
കൊച്ചി: ചലച്ചിത്ര താരം മംമ്ത മോഹന്‍ദാസിന് വിവാഹമോചനം അനുവദിച്ച് കോടതി ഉത്തരവായി. ഉഭയകക്ഷി സമ്മതപ്രകാരം വിവാഹമോചനം അനുവദിക്കണമെന്ന മംമ്്തയുടെയും ഭര്‍ത്താവ് പ്രജിത്തിന്റെയും ആവശ്യം എറണാകുളം കുടുംബ കോടതി അനുവദിക്കുകയായിരുന്നു.
വര്‍ഷങ്ങള്‍ നീണ്ട സൗഹൃദത്തിനു ശേഷം 2011 ലായിരുന്നു ഇവരുടെ വിവാഹം. ഒരു വര്‍ഷം നീണ്ട ദാമ്പത്യ ജീവിതത്തിനൊടുവില്‍ 2012 ഡിസംബറിലാണ് വിവാഹമോചിതരാകാന്‍ രണ്ട് പേരും തീരുമാനിച്ചത്. വിവാഹ ശേഷം സിനിമാ രംഗത്തു നിന്ന് വിട്ടുനിന്ന മംമ്ത പിന്നീട് സിനിമയില്‍ തിരിച്ചെത്തി. ബഹ്‌റൈനില്‍ ബിസിനസുകാരനാണ് മംമ്തയുടെ ബാല്യകാല സുഹൃത്ത് കൂടിയായ പ്രജിത്ത്.
വിവാഹമോചനം ആവശ്യപ്പെട്ട് അടുത്തിടെ ഇവര്‍ സമര്‍പ്പിച്ച ഹരജിയെ തുടര്‍ന്ന്് ഇരുവരെയും കൗണ്‍സിലിംഗിന് വിധേയമാക്കിയെങ്കിലും പ്രശ്‌നം തീര്‍ന്നില്ല.
ഒരുമിച്ചുള്ള ജീവിതവുമായി മുന്നോട്ടുപോകാന്‍ താത്പര്യമില്ലെന്ന്് ഇരുവരും അറിയിച്ചതിനെ തുടര്‍ന്നാണ് കോടതി കേസ് തീര്‍പ്പാക്കിയത്്.
Latest
പതിനേഴുകാരിയെ വിവാഹ വാഗ്ദാനം നല്‍കി നിരന്തരം പീഡിപ്പിച്ചു; 24കാരന്‍ പിടിയില്‍
അതിതീവ്ര മഴ; തമിഴ്‌നാട്ടിൽ 4 ജില്ലകളിൽ റെഡ് അലർട്ട്
ലോക്‌സഭാ തിരഞ്ഞെടുപ്പ്: 8889 കോടിയുടെ പണവും സാധനങ്ങളും പിടിച്ചെടുത്തു; പിടിച്ചെടുത്തവയില്‍ 3,959 കോടിയുടെ മയക്ക്മരുന്നും
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
