കേരള ബേങ്ക്; ഒഴിവുകളില്‍ നിയമനത്തിനുള്ള നടപടി സ്വീകരിക്കാന്‍ പി എസ് സിയോട് ആവശ്യപ്പെട്ടതായി മന്ത്രി

തിരുവനന്തപുരം | കേരള ബേങ്കില്‍ സൃഷ്ടിക്കപ്പെടാന്‍ പോകുന്ന ഒഴിവുകള്‍ ഉള്‍പ്പടെ മുന്നില്‍ കണ്ട് ആയിരത്തിലധികം തസ്തികകളിലേക്ക് നിയമനം നടത്താന്‍ വേണ്ട നടപടികള്‍ സ്വീകരിക്കാന്‍ പി എസ് സിയോട് ആവശ്യപ്പെട്ടതായി സഹകരണ-രജിസ്ട്രേഷന്‍ വകുപ്പ് മന്ത്രി വി എന്‍ വാസവന്‍. പ്രമോഷന്‍ നടപടികള്‍ പൂര്‍ത്തിയായി വരികയാണ്. ഇതിന് ശേഷം വരാന്‍ സാധ്യതയുള്ള ഒഴിവുകള്‍ കൂടി കണക്കാക്കിയാണ് പി എസ് സിക്ക് റിപ്പോര്‍ട്ട് ചെയ്തത്.

ഒഴിവുകളിലേക്ക് നിയമനം നടത്തുന്നതിനുള്ള നടപടികള്‍ പി എസ് സി ആരംഭിച്ചിട്ടുണ്ട്.