അഡ്വ. സണ്ണി ജോസഫ് തിങ്കളാഴ്ച കെ പി സി സി പ്രസിഡന്റ് പദവിയേറ്റെടുക്കും

തിരുവനന്തപുരം | കെ പി സി സി പ്രസിഡന്റായി അഡ്വ. സണ്ണി ജോസഫ് എം എല്‍ എ തിങ്കളാഴ്ച ചുമതലയേല്‍ക്കും. ഇന്ത്യ- പാക് സംഘര്‍ഷ സാഹചര്യത്തില്‍ കെ
പി സി സി ആസ്ഥാനത്ത് മുതിര്‍ന്ന നേതാക്കളുടെ സാന്നിധ്യത്തില്‍ നടക്കുന്ന ലളിതമായ ചടങ്ങുകളോടെ ആയിരിക്കും ചുമതല ഏറ്റെടുക്കലെന്ന് കേരളത്തിന്റെ ചുമതലയുള്ള എ ഐ സി സി ജനറല്‍ സെക്രട്ടറി ദീപദാസ് മുന്‍ഷി അറിയിച്ചു.

കെ പി സി സി വര്‍ക്കിംഗ് പ്രസിഡന്റുമാരായ പി സി വിഷ്ണുനാഥ് എം എല്‍ എ, എ പി അനില്‍കുമാര്‍ എം എല്‍ എ, ഷാഫി പറമ്പില്‍ എം പി എന്നിവരും യു ഡി എഫ് കണ്‍വീനര്‍ അടൂര്‍ പ്രകാശ് എം പിയും അന്നേദിവസം ചുമതലയേല്‍ക്കും.

പ്രതിപക്ഷനേതാവ് വി ഡി സതീശന്‍, കോണ്‍ഗ്രസ്സ് പ്രവര്‍ത്തക സമിതി അംഗങ്ങള്‍, എ ഐ സി
സി ഭാരവാഹികള്‍, മുന്‍ കെ പി സി സി അധ്യക്ഷന്‍മാര്‍, എം പിമാര്‍, എം എല്‍ എമാര്‍ ഉള്‍പ്പെടെയുള്ളവര്‍ പങ്കെടുക്കും.