National
ബാബരി കേസില്‍ കല്യാണ്‍ സിംഗ് കോടതിയില്‍ ഹാജരായി
ലക്‌നോ | അയോധ്യയില്‍ ബാബരി മസ്ജിദ് പൊളിച്ച കേസില്‍ മുതിര്‍ന്ന ബി ജെ പി നേതാവും ഉത്തര്‍ പ്രദേശ് മുന്‍ മുഖ്യമന്ത്രിയുമായ കല്യാണ്‍ സിംഗ് വിചാരണാ കോടതിയില്‍ നേരിട്ട് ഹാജരായി. മൂന്ന് മണിക്കൂര്‍ നേരം അദ്ദേഹത്തെ വിചാരണ ചെയ്തു. കല്യാണ്‍ സിംഗ് യു പി ഭരിക്കുമ്പോഴാണ് കര്‍സേവകര്‍ ബാബരി മസ്ജിദ് പൊളിച്ചത്.
താന്‍ നിരപരാധിയാണെന്നും അന്ന് കേന്ദ്രം ഭരിച്ച കോണ്‍ഗ്രസ് സര്‍ക്കാര്‍ വ്യാജ ആരോപണങ്ങള്‍ ഉന്നയിക്കുകയും രാഷ്ട്രീയ ലക്ഷ്യത്തോടെ കേസ് രജിസ്റ്റര്‍ ചെയ്യുകയുമായിരുന്നെന്ന് ലക്‌നോയിലെ പ്രത്യേക സി ബി ഐ കോടതിയില്‍ ഹാജരായതിന് ശേഷം 88കാരനായ കല്യാണ്‍ സിംഗ് മാധ്യമങ്ങളോട് പറഞ്ഞു. അയോധ്യയില്‍ ത്രിതല സുരക്ഷ സംസ്ഥാന സര്‍ക്കാര്‍ ഉറപ്പുവരുത്തിയെന്നും സിംഗ് അവകാശപ്പെട്ടു.
കേസില്‍ 32 പ്രതികളുടെ മൊഴികളാണ് സി ബി ഐ കോടതി ഇപ്പോള്‍ രേഖപ്പെടുത്തുന്നത്. എല്‍ കെ അഡ്വാനി, മുരളി മനോഹര്‍ ജോഷി, ഉമ ഭാരതി അടക്കമുള്ള ബി ജെ പിയുടെ മുതിര്‍ന്ന നേതാക്കള്‍ ബാബരി മസ്ജിദ് പൊളിച്ച കേസില്‍ പ്രതികളാണ്. ഇതില്‍ ഉമാ ഭാരതിയുടെ മൊഴി രേഖപ്പെടുത്തിയിട്ടുണ്ട്. അഡ്വാനിയുടെയും ജോഷിയുടെയും മൊഴി രേഖപ്പെടുത്താനുണ്ട്. ഇവരുടെ മൊഴികള്‍ വീഡിയോ കോണ്‍ഫറന്‍സിലൂടെ രേഖപ്പെടുത്തണമെന്ന് അഭിഭാഷകര്‍ അഭ്യര്‍ഥിച്ചിരുന്നു.
Latest
ശോഭ സുരേന്ദ്രന്‍, ദല്ലാള്‍ നന്ദകുമാര്‍ എന്നിവര്‍ക്കെതിരെ ഇ പി ജയരാജന്‍ ഡി ജി പിക്ക് പരാതി നല്‍കി
ക്രിക്കറ്റ് കളിക്കുന്നതിനിടെ 35 കാരന്‍ കുഴഞ്ഞുവീണ് മരിച്ചു
കെ ചന്ദ്രശേഖര്‍ റാവുവിനെ തെരഞ്ഞെടുപ്പ് കമ്മീഷന്‍ പ്രചാരണത്തില്‍ നിന്ന് വിലക്കി
ചിഹ്നം ലോഡ് ചെയ്ത വിവിപാറ്റ് യൂണിറ്റ് സ്ഥാനാര്‍ഥി സാക്ഷ്യപ്പെടുത്തണമെന്ന് തെരഞ്ഞെടുപ്പ് കമ്മിഷന്റെ പുതിയ പ്രോട്ടോക്കോള്‍
കോള കുടിക്കരുത്! പക്ഷേ, ഇക്കാര്യങ്ങൾക്ക് സംഭവം പൊളിയാണ്...
കിണറ്റില്‍ വീണ പന്ത് എടുക്കുവാന്‍ ശ്രമിക്കുന്നതിനിടയില്‍ കിണറ്റില്‍ വീണ് പത്ത് വയസ്സുകാരന്‍ മരിച്ചു
