Ongoing News
ലോകകപ്പില്‍ ഇന്ത്യന്‍ ടീം ഓറഞ്ച് ജേഴ്‌സിയില്‍; മത്സരം ഈ ടീമിനെതിരെ
സതാംപ്ടണ്‍: ഇന്ത്യന്‍ ടീം ഓറഞ്ച് ജേഴ്‌സിയില്‍ ഇറങ്ങുന്നത് നാം ഫുട്‌ബോള്‍ മത്സരങ്ങളില്‍ കാണാറുണ്ട്. എന്നാല്‍ ഇന്ത്യന്‍ ക്രിക്കറ്റ് ടീമും ഓറഞ്ച് ജേഴ്‌സിയണിഞ്ഞ് കളത്തിലിറങ്ങാനൊരുങ്ങുകയാണ്. ഫുട്‌ബോളിലെ മാതൃക പിന്തുടര്‍ന്ന് തന്നെയാണ് ഐ സി സിയും ടീമുകള്‍ക്ക് ഹോം എവേ ജേഴ്‌സികള്‍ ഏര്‍പ്പെടുത്തിയത്. ഇതോടെ ആരാധകരുടെ കാത്തിരിപ്പിനാണ് അവസാനമാകുന്നത്.
ടെലിവിഷന്‍ സംപ്രേക്ഷണമുള്ള ഐ സി സി ടൂര്‍ണമെന്റുകളില്‍ പങ്കെടുക്കുന്ന ആതിഥേയരൊഴികെയുള്ള എല്ലാ രാജ്യങ്ങള്‍ക്കും ഹോം, എവേ ജേഴ്‌സികള്‍ വേണമെന്ന നിബന്ധന ഐ സി സി കര്‍ശനമാക്കിയിരുന്നു. ഇംഗ്ലണ്ട് ആതിഥേയരാണെന്നതിനാല്‍ അവര്‍ക്ക് നീല ജേഴ്‌സി തന്നെ ധരിച്ചിറങ്ങാനാവും. എന്നാല്‍ ജൂണ്‍ 30 ന് ഇംഗ്ലണ്ടിനോടുള്ള മത്സരത്തിന് ഇന്ത്യ ഓറഞ്ച് ജേഴ്‌സി അണിഞ്ഞേക്കും.
ഓറഞ്ചും നീല നിറവും ചേര്‍ന്നതാണ് ഇന്ത്യയുടെ പുതിയ ജേഴ്‌സി. ലോകകപ്പില്‍ പങ്കെടുക്കുന്ന ഭൂരിഭാഗം ടീമുകളും അവരുടെ ഹോം എവേ ജേഴ്‌സി കിറ്റുകള്‍ നേരത്തെ പുറത്തിറക്കിയപ്പോഴും ഇന്ത്യന്‍ ടീം ഇതുവരെ ഇക്കാര്യത്തില്‍ ഒന്നും പറഞ്ഞിരുന്നില്ല. നൈക്കിയാണ് ഇന്ത്യയുടെ കിറ്റ് സ്‌പോണ്‍സര്‍മാര്‍. പുതിയ ജേഴ്‌സിയെക്കുറിച്ച് നൈക്കി ഇതുവരെ ഒന്നും വെളിപ്പെടുത്തിയിട്ടില്ല. കഴിഞ്ഞ ആഴ്ച മാത്രമാണ് ഇന്ത്യന്‍ ടീം അംഗങ്ങളും പുതിയ ജേഴ്‌സി കണ്ടത് എന്നാണ് റിപ്പോര്‍ട്ടുകള്‍.
അഫ്ഗാന്‍ ടീമിന്റെ ജേഴ്‌സിയും കടും നീല നിറമാണെങ്കിലും ഇംഗ്ലണ്ടിനെതിരെയാണ് ഇന്ത്യ ഓറഞ്ച് ജേഴ്‌സി അണിയുക എന്നാണ് ടൈംസ് ഓഫ് ഇന്ത്യ റിപ്പോര്‍ട്ട് ചെയ്തത്.
Latest
ശോഭ സുരേന്ദ്രന്‍, ദല്ലാള്‍ നന്ദകുമാര്‍ എന്നിവര്‍ക്കെതിരെ ഇ പി ജയരാജന്‍ ഡി ജി പിക്ക് പരാതി നല്‍കി
ക്രിക്കറ്റ് കളിക്കുന്നതിനിടെ 35 കാരന്‍ കുഴഞ്ഞുവീണ് മരിച്ചു
കെ ചന്ദ്രശേഖര്‍ റാവുവിനെ തെരഞ്ഞെടുപ്പ് കമ്മീഷന്‍ പ്രചാരണത്തില്‍ നിന്ന് വിലക്കി
ചിഹ്നം ലോഡ് ചെയ്ത വിവിപാറ്റ് യൂണിറ്റ് സ്ഥാനാര്‍ഥി സാക്ഷ്യപ്പെടുത്തണമെന്ന് തെരഞ്ഞെടുപ്പ് കമ്മിഷന്റെ പുതിയ പ്രോട്ടോക്കോള്‍
കോള കുടിക്കരുത്! പക്ഷേ, ഇക്കാര്യങ്ങൾക്ക് സംഭവം പൊളിയാണ്...
കിണറ്റില്‍ വീണ പന്ത് എടുക്കുവാന്‍ ശ്രമിക്കുന്നതിനിടയില്‍ കിണറ്റില്‍ വീണ് പത്ത് വയസ്സുകാരന്‍ മരിച്ചു
