National
ജഡ്ജിമാരുടെ നിയമന ശിപാര്‍ശയില്‍ ഉറച്ച് സുപ്രീം കോടതി കൊളീജിയം; കേന്ദ്ര ആവശ്യം തള്ളി
ന്യൂഡല്‍ഹി: ഝാര്‍ഖണ്ഡ് ഹൈക്കോടതി ചീഫ് ജസ്റ്റിസ് അനിരുദ്ധ ബോസിനെയും ഗുവഹാത്തി ഹൈക്കോടതി ചീഫ് ജസ്റ്റിസ് എ എസ് ബൊപ്പണ്ണയെയും സുപ്രീം കോടതി ജഡ്ജിമാരായി നിയമിക്കണമെന്ന ശിപാര്‍ശ പുനപ്പരിശോധിക്കണമെന്ന കേന്ദ്രത്തിന്റെ ആവശ്യം തള്ളി കൊളീജിയം. സീനിയോറിറ്റിക്കല്ല, മികവിനാണ് മുന്‍ഗണന നല്‍കേണ്ടതെന്ന് വ്യക്തമാക്കിയ കൊളീജിയം നിയമന ശിപാര്‍ശയുടെ ഫയല്‍ വീണ്ടും കേന്ദ്ര സര്‍ക്കാറിന് അയച്ചു.
ഏപ്രില്‍ 12നാണ് രണ്ടു ജഡ്ജിമാരെയും സുപ്രീം കോടതി ജസ്റ്റിസുമാരായി നിയമിക്കുന്നതിനുള്ള ശിപാര്‍ശ കൊളീജിയം കേന്ദ്രത്തിന് അയച്ചത്. എന്നാല്‍, സീനിയോറിറ്റി പരിഗണനയും പ്രാദേശിക പ്രാതിനിധ്യവും ആവശ്യപ്പെട്ടു ശിപാര്‍ശ കേന്ദ്രം തിരിച്ചയക്കുകയായിരുന്നു. രണ്ടാമത് നല്‍കിയ ശിപാര്‍ശയില്‍ ഹിമാചല്‍ പ്രദേശ് ഹൈക്കോടതി ചീഫ് ജസ്റ്റിസ് സൂര്യകാന്ത്, ബോംബെ ഹൈക്കോടതി ജഡ്ജി ബി ആര്‍ ഗവി എന്നിവരുടെ പേരുകള്‍ കൂടി ഉള്‍പ്പെടുത്തിയിട്ടുണ്ട്.
ചീഫ് ജസ്റ്റിസ് രഞ്ജന്‍ ഗൊഗോയ്, എസ് എ ബോബ്ദെ, എന്‍ വി രമണ, അരുണ്‍ മിശ്ര, ആര്‍ എഫ് നരിമാന്‍ എന്നിവരുള്‍പ്പെട്ട കൊളീജിയത്തിന്റെതാണ് ശിപാര്‍ശ.
Latest
ശോഭ സുരേന്ദ്രന്‍, ദല്ലാള്‍ നന്ദകുമാര്‍ എന്നിവര്‍ക്കെതിരെ ഇ പി ജയരാജന്‍ ഡി ജി പിക്ക് പരാതി നല്‍കി
ക്രിക്കറ്റ് കളിക്കുന്നതിനിടെ 35 കാരന്‍ കുഴഞ്ഞുവീണ് മരിച്ചു
കെ ചന്ദ്രശേഖര്‍ റാവുവിനെ തെരഞ്ഞെടുപ്പ് കമ്മീഷന്‍ പ്രചാരണത്തില്‍ നിന്ന് വിലക്കി
ചിഹ്നം ലോഡ് ചെയ്ത വിവിപാറ്റ് യൂണിറ്റ് സ്ഥാനാര്‍ഥി സാക്ഷ്യപ്പെടുത്തണമെന്ന് തെരഞ്ഞെടുപ്പ് കമ്മിഷന്റെ പുതിയ പ്രോട്ടോക്കോള്‍
കോള കുടിക്കരുത്! പക്ഷേ, ഇക്കാര്യങ്ങൾക്ക് സംഭവം പൊളിയാണ്...
കിണറ്റില്‍ വീണ പന്ത് എടുക്കുവാന്‍ ശ്രമിക്കുന്നതിനിടയില്‍ കിണറ്റില്‍ വീണ് പത്ത് വയസ്സുകാരന്‍ മരിച്ചു
