Kerala
ടെക്കി യുവതിയുടെ ചിത്രങ്ങള്‍ ഇന്റര്‍നെറ്റില്‍ പ്രചരിപ്പിച്ച പ്രതി പിടിയില്‍
തിരുവനന്തപുരം: സാമൂഹിക മാധ്യമങ്ങളിലൂടെയും മൊബൈല്‍ ഫോണിലൂടെയും ഐ ടി മേഖലയില്‍ ജോലി ചെയ്യുന്ന സോഫ്റ്റ്‌വെയര്‍ എന്‍ജിനിയര്‍മാരെ പരിചയപ്പെട്ട് സ്വകാര്യ ഫോട്ടോകളും വീഡിയോകളും തരപ്പെടുത്തി ഇന്റര്‍നെറ്റില്‍ പ്രചരിപ്പിക്കുന്ന യുവാവ് പിടിയില്‍. പാലക്കാട് ആലത്തൂര്‍ അരങ്ങാട്ട് പറമ്പ് ഐശ്വര്യവീട്ടില്‍ അനി എന്ന അനീഷ്(38) ആണ് പോലീസ് പിടിയിലായത്.
കഴിഞ്ഞ ദിവസമായിരുന്നു കേസിനാസ്പദമായ സംഭവം. കര്‍ണ്ണാടകയിലെ പ്രമുഖ ഐ ടി ഹബ്ബില്‍ ജോലി ചെയ്യുന്ന മലയാളി യുവതിയുടെ സ്വകാര്യ ചിത്രങ്ങള്‍ അവരുടെ മൊബൈലില്‍ നിന്നും 10 ഓളം വ്യാജ സാമൂഹിക മാധ്യമങ്ങളില്‍ നിന്നും ശേഖരിച്ച് പ്രതി ഇവരെ ഭീഷണിപ്പെടുത്തുകയായിരുന്നു.
യുവതി പരാതി നല്‍കിയതിനെ തുടര്‍ന്ന് തിരുവനന്തപുരം സൈബര്‍ പോലീസ് കേസ് രജിസ്റ്റര്‍ ചെയ്ത് അന്വേഷിച്ചു. ഡി വൈ എസ് പി. എം ഇക്ബാലിന്റെ നേതൃത്വത്തില്‍ സര്‍ക്കിള്‍ ഇന്‍സ്‌പെക്ടര്‍ എസ് സജാദ്, സീനിയര്‍ സി പി ഒ ഷിബു, സി പി ഒ അഭിലാഷ്, സമീര്‍ ഖാന്‍ എന്നിവരുള്‍പ്പെട്ട സംഘം പ്രതിയെ തന്ത്രപൂര്‍വം പിടികൂടുകയായിരുന്നു. പ്രതി സാമൂഹിക മാധ്യങ്ങളില്‍ വ്യാജ അക്കൗണ്ടുകള്‍ ഉണ്ടാക്കിയാണ് ഇരകളെ കണ്ടെത്തിയിരുന്നത്.
മൊബൈല്‍ നമ്പറുകളും വ്യാജ അക്കൗണ്ടുകളും കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ വലയിലാക്കിയത്. മൊബൈല്‍ ഫോണില്‍ നിന്നും സാമൂഹിക മാധ്യമങ്ങളില്‍ നിന്നും ദൃശ്യങ്ങള്‍ അപ്പ്‌ലോഡ് ചെയ്യാന്‍ ഉപയോഗിച്ച സോഫ്റ്റുവെയറുകളും ഡിവൈസുകളും പ്രതിയില്‍ നിന്ന് പിടിച്ചെടുത്തു. തിരുവനന്തപുരം ജില്ലാ കോടതിയില്‍ ഹാജറാക്കിയ പ്രതിയെ റിമാന്‍ഡ് ചെയ്തു.
Latest
ശോഭ സുരേന്ദ്രന്‍, ദല്ലാള്‍ നന്ദകുമാര്‍ എന്നിവര്‍ക്കെതിരെ ഇ പി ജയരാജന്‍ ഡി ജി പിക്ക് പരാതി നല്‍കി
ക്രിക്കറ്റ് കളിക്കുന്നതിനിടെ 35 കാരന്‍ കുഴഞ്ഞുവീണ് മരിച്ചു
കെ ചന്ദ്രശേഖര്‍ റാവുവിനെ തെരഞ്ഞെടുപ്പ് കമ്മീഷന്‍ പ്രചാരണത്തില്‍ നിന്ന് വിലക്കി
ചിഹ്നം ലോഡ് ചെയ്ത വിവിപാറ്റ് യൂണിറ്റ് സ്ഥാനാര്‍ഥി സാക്ഷ്യപ്പെടുത്തണമെന്ന് തെരഞ്ഞെടുപ്പ് കമ്മിഷന്റെ പുതിയ പ്രോട്ടോക്കോള്‍
കോള കുടിക്കരുത്! പക്ഷേ, ഇക്കാര്യങ്ങൾക്ക് സംഭവം പൊളിയാണ്...
കിണറ്റില്‍ വീണ പന്ത് എടുക്കുവാന്‍ ശ്രമിക്കുന്നതിനിടയില്‍ കിണറ്റില്‍ വീണ് പത്ത് വയസ്സുകാരന്‍ മരിച്ചു
