Gulf
മരണം കൊണ്ട് കളിക്കരുത്; സഊദിക്ക് ഇറാന്റെ മുന്നറിയിപ്പ്
തെഹ്‌റാന്‍: സഊദി രാജകുമാരന് മുഹമ്മദ് ബിന്‍ സല്‍മാനെ അതിരൂക്ഷമായി ഭാഷയില്‍ വിമര്‍ശിച്ച് ഇറാന്. ഇറാനെതിരെ ശക്തമായ ഉപരോധം ഏര്‍പ്പെടുത്തിയിട്ടില്ലെങ്കില്‍ പത്തോ പതിനഞ്ചോ വര്‍ഷത്തിനുള്ളില്‍ ആ രാജ്യവുമായി ഒരു യുദ്ധത്തിന് സാധ്യതയുണ്ടെന്ന് സല്‍മാന്‍ രാജാവ് നടത്തിയ പ്രസ്താവനയോട് പ്രതികരിക്കുകയായിരുന്നു ഇറാന്. മരണം കൊണ്ട് കളിക്കരുതെന്നും ഇറാനെ പഠിപ്പിക്കാനിറങ്ങിയ ഇറാഖിലെ സദ്ദാം ഹുസൈന് സംഭവിച്ചതെന്താണെന്ന ചരിത്രം സഊദി ഉദ്യോഗസ്ഥര്‍ രാജകുമാരന് പഠിപ്പിച്ചുകൊടുക്കണമെന്നും ഇറാന് വിദേശകാര്യ മന്ത്രാലയം വക്താവ് ബഹ്‌റം ഖാസിമി ഓര്‍മപ്പെടുത്തി. അദ്ദേഹത്തിന് യുദ്ധം എന്താണെന്ന് അറിയില്ല. അദ്ദേഹം ചരിത്രം പഠിച്ചിട്ടുമില്ല. അതുമല്ലെങ്കില്‍ നല്ലൊരു വ്യക്തിയോട് ഇതുസംബന്ധിച്ച് സംസാരിച്ചിട്ടുമില്ലെന്നും അദ്ദേഹം കൂട്ടിച്ചേര്‍ത്തു.
ഇറാനുമായി സൈനിക നടപടി ഒഴിവാക്കാന്‍ ആ രാജ്യത്തിന് മേല്‍ ശക്തമായ ഉപരോധം ഏര്‍പ്പെടുത്തണം. അതില്‍ പരാജയപ്പെട്ടാല്‍ പത്തോ പതിനഞ്ചോ വര്‍ഷത്തിനുള്ളില്‍ ഒരു യുദ്ധത്തിന് സാധ്യതയുണ്ടെന്നായിരുന്നു വാള്‍ സ്ട്രീറ്റ് ജേണലിന് നല്‍കിയ അഭിമുഖത്തില്‍ സല്‍മാന്‍ രാജാവ് വ്യക്തമാക്കിയിരുന്നത്.
പശ്ചിമേഷ്യന്‍ മേഖലയില്‍ ഇറാന് വര്‍ധിച്ചുവരുന്ന സ്വാധീനത്തെ കുറിച്ച് നേരത്തെ തന്നെ സഊദി മുന്നറിയിപ്പ് നല്‍കിയിരുന്നു. 2015ല്‍ നടന്ന ഇറാന് ആണവ കരാറിനെ സഊദി അതിശക്തമായി എതിര്‍ത്തിരുന്നു.
Latest
'തലക്ക് വെളിവില്ലാത്തവള്‍ വിളിച്ചു പറയുന്നത് കൊടുക്കുന്നതാണോ മാധ്യമധര്‍മ്മം?; നിങ്ങള്‍ കൊത്തിവലിച്ചാലൊന്നും വലിഞ്ഞു പോകില്ല'
ഉഷ്ണതരംഗ സാധ്യത; തൊഴിലാളികളുടെ ജോലി സമയക്രമീകരണം മെയ് 15വരെ നീട്ടി
'രാഷ്ട്രീയ എതിരാളികളെ കാണുമ്പോള്‍ അവസാനിക്കുന്നതാണ് പ്രത്യയശാസ്ത്ര ബോധമെന്നത് പൈങ്കിളി സങ്കല്‍പ്പമാണ്';ഇപി ജയരാജന് പാര്‍ട്ടി പിന്തുണ
കര്‍ണാടക രാഷ്ട്രീയത്തെ പിടിച്ചു കുലുക്കി അശ്ലീല വീഡോയോ വിവാദം; പ്രജ്വല്‍ രേവണ്ണ പകര്‍ത്തിയത് മൂവായിരത്തോളം വീഡിയോകള്‍
ശോഭാ സുരേന്ദ്രന്റെ പരാതിയില്‍ ടി ജി നന്ദകുമാറിനെതിരെ കേസ്
ഉഷ്ണതരംഗ സാധ്യത: പാലക്കാട് ജില്ലയില്‍ വിദ്യാഭ്യാസ സ്ഥാപനങ്ങള്‍ അടക്കും; കായിക വിനോദങ്ങള്‍ക്കും നിയന്ത്രണം
