Gulf
ഗ്യാസ് സിലിന്‍ഡര്‍ മാറ്റുന്നതിന് ഡിസംബര്‍ 31 വരെ സമയം നീട്ടി
ദോഹ: മെറ്റല്‍ നിര്‍മിത ഗ്യാസ് സിലിന്‍ഡറുകള്‍ ശഫാഫ് പ്ലാസ്റ്റിക് സിലിന്‍ഡറുകളാക്കി മാറ്റുന്നതിനുള്ള അവസാന തിയതി ഡിസംബര്‍ 31 ആക്കി ദീര്‍ഘിപ്പിച്ചു. ഖത്വര്‍ ഫ്യൂയല്‍ കമ്പനി (വഖൂദ്) ആണ് ഇക്കാര്യം പ്രസ്താവനയില്‍ അറിയിച്ചത്.
രാജ്യത്തെ എല്‍ പി ജി സിലിന്‍ഡറുകളുടെ വിതരണാവകാശമുള്ള കമ്പനിയാണ് വഖൂദ്. മെറ്റല്‍ സിലന്‍ഡറുകള്‍ മാറ്റി ശഫാഫ് സിലിന്‍ഡറുകള്‍ സ്വീകരിക്കുന്നതിന് 100 റിയാല്‍ നിരക്കിളവും പ്രഖ്യാപിച്ചിട്ടുണ്ട്. ഇളവു കഴിച്ച് 262 റിയാലിനാണ് ഇപ്പോള്‍ സിലിന്‍ഡറുകള്‍ വിറ്റു വരുന്നത്.
മെറ്റല്‍ സിലിന്‍ഡറുകള്‍ പൂര്‍ണമായും മാറ്റുന്ന യജ്ഞത്തിന്റെ ഭാഗമായി ശഫാഫ് സിലിന്‍ഡറുകള്‍ക്ക് ആവശ്യക്കാര്‍ വര്‍ധിച്ചിട്ടുണ്ടെന്ന് വഖൂദ് അറിയിച്ചു. രാജ്യത്തെ വിപണിയില്‍ ഇപ്പോള്‍ വില്‍പ്പനക്കും വിതരണത്തിനുമായി 250,000 ശഫാഫ് സിലിന്‍ഡറുകള്‍ ലഭ്യമാണ്. സ്റ്റീല്‍ സിലന്‍ഡര്‍ വിതരണക്കാരെ ഉപയോഗിച്ചു തന്നെ ശഫാഫ് സിലിന്‍ഡറുകളും വിതരണം ചെയ്തു വരികയാണ്.
ലോകത്തെ തന്നെ ആധുനികമായ ഗ്യാസ് സിലിന്‍ഡറാണ് ശഫാഫ് എന്ന് വഖൂദ് പ്രസ്താവനയില്‍ പറഞ്ഞു. ഭാരം കുറവും സുരക്ഷയില്‍ മുന്നിലും എന്നതാണ് സവിശേഷത. രാജ്യത്തു വസിക്കുന്ന സമൂഹത്തിന് രാജ്യാന്തര നിലവാരത്തിലുള്ള സൗകര്യവും സേവനവും സുരക്ഷയും ഒരുക്കുന്നതിന്റെ ഭാഗമായാണ് സിലിന്‍ഡര്‍ അവതരിപ്പിച്ചതെന്നും വഖൂദ് പ്രസ്താവനയില്‍ പറഞ്ഞു.
Latest
ശോഭ സുരേന്ദ്രന്‍, ദല്ലാള്‍ നന്ദകുമാര്‍ എന്നിവര്‍ക്കെതിരെ ഇ പി ജയരാജന്‍ ഡി ജി പിക്ക് പരാതി നല്‍കി
ക്രിക്കറ്റ് കളിക്കുന്നതിനിടെ 35 കാരന്‍ കുഴഞ്ഞുവീണ് മരിച്ചു
കെ ചന്ദ്രശേഖര്‍ റാവുവിനെ തെരഞ്ഞെടുപ്പ് കമ്മീഷന്‍ പ്രചാരണത്തില്‍ നിന്ന് വിലക്കി
ചിഹ്നം ലോഡ് ചെയ്ത വിവിപാറ്റ് യൂണിറ്റ് സ്ഥാനാര്‍ഥി സാക്ഷ്യപ്പെടുത്തണമെന്ന് തെരഞ്ഞെടുപ്പ് കമ്മിഷന്റെ പുതിയ പ്രോട്ടോക്കോള്‍
കോള കുടിക്കരുത്! പക്ഷേ, ഇക്കാര്യങ്ങൾക്ക് സംഭവം പൊളിയാണ്...
കിണറ്റില്‍ വീണ പന്ത് എടുക്കുവാന്‍ ശ്രമിക്കുന്നതിനിടയില്‍ കിണറ്റില്‍ വീണ് പത്ത് വയസ്സുകാരന്‍ മരിച്ചു
