Gulf
ഇന്റര്‍നാഷനല്‍ റോബോട്ടിക് ചാലഞ്ച് ഉദ്ഘാടനം ചെയ്തു
അബുദാബി: മുഹമ്മദ് ബിന്‍ സായിദ് ഇന്റര്‍നാഷനല്‍ റോബോട്ടിക് ചാലഞ്ച് ഖലീഫ യൂണിവേഴ്‌സിറ്റിയില്‍ അബുദാബി ക്രൗണ്‍ പ്രിന്‍സസ് കോര്‍ട്ട് ചെയര്‍മാന്‍ ശൈഖ് ഹാമിദ് ബിന്‍ സായിദ് അല്‍ നഹ്‌യാന്‍ ഉദ്ഘാടനം ചെയ്തു. 1.8 കോടി ദിര്‍ഹം വിലമതിക്കുന്ന റീം എന്ന മള്‍ട്ടി പര്‍പസ് റോബോട്ടിനെ അവതരിപ്പിച്ചുകൊണ്ടാണ് റോബോട്ടിക് ചാലഞ്ച് ഉദ്ഘാടനം ചെയ്തത്. രണ്ടു വര്‍ഷത്തില്‍ ഒരിക്കലാണ് റോബോട്ടിക് ചാലഞ്ച് ഖലീഫ യൂണിവേഴ്‌സിറ്റിയില്‍ അരങ്ങേറാറ്. ഇത്തരം പരീക്ഷണങ്ങള്‍ ലോകത്തെമ്പാടുമുള്ള വിദ്യാര്‍ഥികള്‍ക്ക് പുതിയ കണ്ടുപിടുത്തങ്ങള്‍ നടത്താന്‍ പ്രചോദനമാവുമെന്ന് യൂണിവേഴ്‌സിറ്റി എക്‌സിക്യൂട്ടീവ് വൈസ് പ്രസിഡന്റ് ഡോ. ആരിഫ് അല്‍ ഹമ്മാദി അഭിപ്രായപ്പെട്ടു.
റോബോട്ടിക് ചാലഞ്ചില്‍ പങ്കെടുക്കാന്‍ ആഗ്രഹിക്കുന്നവര്‍ ഏറ്റവും മികച്ച രീതിയിലുള്ള റോബോട്ടുകളെയാണ് രൂപകല്‍പന ചെയ്യേണ്ടതെന്ന് ഖലീഫ യൂണിവേഴ്‌സിറ്റി സീനിയര്‍ വൈസ് പ്രസിഡന്റ് ഡോ. മുഹമ്മദ് അല്‍ മുഅല്ല വ്യക്തമാക്കി. ചലിക്കുന്ന വാഹനങ്ങളുടെ മുകളില്‍ സ്ഥാപിക്കാവുന്നതോ, അഗ്നിബാധ ഉള്‍പെടെയുള്ള മനുഷ്യര്‍ക്ക് കടന്നുചെല്ലാന്‍ പറ്റാത്ത അപകട മേഖലകളില്‍ പ്രവര്‍ത്തിപ്പിക്കാ വുന്നതോ ആയ റോബോട്ടുകളെയാണ് രൂപകല്‍പന ചെയ്യേണ്ടത്. ആളില്ലാ വിമാനങ്ങളുടെ രൂപകല്‍പനക്ക് യു എ ഇ സര്‍ക്കാര്‍ പ്രഖ്യാപിച്ച ഭീമമായ പാരിതോഷികം ഇത്തരം കണ്ടുപിടുത്തങ്ങളിലേക്ക് ഇറങ്ങാന്‍ വലിയ പ്രചോദനമായിട്ടുണ്ടെന്നും അല്‍ മുഅല്ല പറഞ്ഞു.
Latest
ശോഭ സുരേന്ദ്രന്‍, ദല്ലാള്‍ നന്ദകുമാര്‍ എന്നിവര്‍ക്കെതിരെ ഇ പി ജയരാജന്‍ ഡി ജി പിക്ക് പരാതി നല്‍കി
ക്രിക്കറ്റ് കളിക്കുന്നതിനിടെ 35 കാരന്‍ കുഴഞ്ഞുവീണ് മരിച്ചു
കെ ചന്ദ്രശേഖര്‍ റാവുവിനെ തെരഞ്ഞെടുപ്പ് കമ്മീഷന്‍ പ്രചാരണത്തില്‍ നിന്ന് വിലക്കി
ചിഹ്നം ലോഡ് ചെയ്ത വിവിപാറ്റ് യൂണിറ്റ് സ്ഥാനാര്‍ഥി സാക്ഷ്യപ്പെടുത്തണമെന്ന് തെരഞ്ഞെടുപ്പ് കമ്മിഷന്റെ പുതിയ പ്രോട്ടോക്കോള്‍
കോള കുടിക്കരുത്! പക്ഷേ, ഇക്കാര്യങ്ങൾക്ക് സംഭവം പൊളിയാണ്...
കിണറ്റില്‍ വീണ പന്ത് എടുക്കുവാന്‍ ശ്രമിക്കുന്നതിനിടയില്‍ കിണറ്റില്‍ വീണ് പത്ത് വയസ്സുകാരന്‍ മരിച്ചു
