Ongoing News
മെഡിക്കല്‍ പ്രവേശം: അഞ്ച് സ്വാശ്രയ കോളജുകള്‍ കൂടി സര്‍ക്കാരുമായി ധാരണയിലെത്തി
തിരുവനന്തപുരം: ഈ വര്‍ഷത്തെ മെഡിക്കല്‍ പ്രവേശനവുമായി ബന്ധപ്പെട്ട് സംസ്ഥാനത്തെ അഞ്ച് സ്വാശ്രയ മെഡിക്കല്‍ കോളജുകള്‍ കൂടി ഇന്നലെ സര്‍ക്കാറുമായി ധാരണാപത്രത്തില്‍ ഒപ്പിട്ടതായി ആരോഗ്യമന്ത്രി വി എസ് ശിവകുമാര്‍ അറിയിച്ചു. കൊല്ലം അസീസിയ്യ, അടൂര്‍ മൗണ്ട് സിയോണ്‍, അല്‍-അസ്ഹര്‍ മൂവാറ്റുപുഴ, പി കെ ദാസ് മെമ്മോറിയല്‍ മലപ്പുറം, ഡി എം വിംസ് വയനാട് എന്നീ മെഡിക്കല്‍ കോളജുകളാണ് സര്‍ക്കാരുമായി ധരണാപത്രത്തില്‍ ഒപ്പിട്ടത്. കാരക്കോണം മെഡിക്കല്‍ കോളജും ഇന്റര്‍ ചര്‍ച്ച് കൗണ്‍സിലിന്റെ നാല് മെഡിക്കല്‍ കോളജുകളും നേരത്തെതന്നെ സര്‍ക്കാറുമായി ധാരണയിലെത്തിയിരുന്നു. മറ്റ് സ്വാശ്രയ മെഡിക്കല്‍ കോളജുകള്‍ രണ്ട് ദിവസത്തിനുള്ളില്‍ കരാറിലേര്‍പ്പെടുമെന്ന് അറിയിച്ചതായി മന്ത്രി പറഞ്ഞു. 50 ശതമാനം സീറ്റുകള്‍ സര്‍ക്കാറിന് നല്‍കിക്കൊണ്ടാണ് ഈ കോളജുകളെല്ലാം കരാറില്‍ ഒപ്പിട്ടിട്ടുള്ളത്. ഈ സീറ്റുകളില്‍ സര്‍ക്കാര്‍ മെറിറ്റ് അടിസ്ഥാനത്തില്‍ പ്രവേശനം നടത്തും. ചില സ്വാശ്രയ മെഡിക്കല്‍ കോളജുകള്‍ക്ക് മെഡിക്കല്‍ കൗണ്‍സിലിന്റെ തുടരംഗീകാരം ലഭിച്ചിട്ടില്ല. അത് ലഭ്യമാകുന്ന മുറക്ക് അവയും കരാറില്‍ ഏര്‍പ്പെടുമെന്ന് മന്ത്രി പറഞ്ഞു.
Latest
ഉഷ്ണതരംഗ സാധ്യത; തൊഴിലാളികളുടെ ജോലി സമയക്രമീകരണം മെയ് 15വരെ നീട്ടി
'രാഷ്ട്രീയ എതിരാളികളെ കാണുമ്പോള്‍ അവസാനിക്കുന്നതാണ് പ്രത്യയശാസ്ത്ര ബോധമെന്നത് പൈങ്കിളി സങ്കല്‍പ്പമാണ്';ഇപി ജയരാജന് പാര്‍ട്ടി പിന്തുണ
കര്‍ണാടക രാഷ്ട്രീയത്തെ പിടിച്ചു കുലുക്കി അശ്ലീല വീഡോയോ വിവാദം; പ്രജ്വല്‍ രേവണ്ണ പകര്‍ത്തിയത് മൂവായിരത്തോളം വീഡിയോകള്‍
ശോഭാ സുരേന്ദ്രന്റെ പരാതിയില്‍ ടി ജി നന്ദകുമാറിനെതിരെ കേസ്
ഉഷ്ണതരംഗ സാധ്യത: പാലക്കാട് ജില്ലയില്‍ വിദ്യാഭ്യാസ സ്ഥാപനങ്ങള്‍ അടക്കും; കായിക വിനോദങ്ങള്‍ക്കും നിയന്ത്രണം
കാര്‍ കെ എസ് ആര്‍ ടി സി ബസിന് കുറികെയിട്ടു; മേയറുടെ വാദം പൊളിക്കുന്ന ദൃശ്യങ്ങള്‍ പുറത്ത്
