OBITUARY
മാധ്യമ പ്രവർത്തകൻ ഉണ്ണികൃഷ്ണൻ പുഷ്പ്പഗിരി നിര്യാതനായി
ഉത്തരദേശം ദിനപത്രത്തിന്റെ സബ് എഡിറ്റർ, പ്രസ്സ് ട്രസ്റ്റ് ഇന്ത്യയുടെ (പി.ടി.ഐ) ജില്ലാ ലേഖകൻ, ഹരിണാക്ഷിയന്മ മെമ്മോറിയൽ ചാരിറ്റബിൾ ട്രസ്റ്റ് പ്രസിഡന്റ് എന്നീ നിലകളിൽ പ്രവർത്തിച്ചു വരികയായിരുന്നു.
കാഞ്ഞങ്ങാട് | മാധ്യമ പ്രവർത്തകനും സിനിയർ ജേണലിറ്റ് ഫോറം ജില്ലാ ട്രഷററുമായ അട്ടേങ്ങാനം പോർക്കളത്തെ പാടിയേരയിലെ പി ഉണ്ണികൃഷ്ണൻ പുഷ്പ്പഗിരി (64) നിര്യാതനായി. ഹൃദയാഘാതത്തെ തുടർന്ന് ഒരു മാസമായി മംഗലാപുരത്ത് ചികിത്സയിലായിരുന്നു. കാസർകോട് നിന്ന് പ്രസ്ദീകരിക്കുന്ന ഉത്തരദേശം ദിനപത്രത്തിന്റെ സബ് എഡിറ്റർ, പ്രസ്സ് ട്രസ്റ്റ് ഇന്ത്യയുടെ (പി ടി ഐ) ജില്ലാ ലേഖകൻ, ഹരിണാക്ഷിയന്മ മെമ്മോറിയൽ ചാരിറ്റബിൾ ട്രസ്റ്റ് പ്രസിഡന്റ് എന്നീ നിലകളിൽ പ്രവർത്തിച്ചു വരികയായിരുന്നു.
കാസർകോട് പ്രസ് ക്ലബ് സെക്രട്ടറി, പത്രപ്രവർത്തക ഭവന നിർമാണ സംഘം ഡയറക്ടർ, രജനി ബാലജനസഖ്യം ജനറൽ സെക്രട്ടറി എന്നി നിലകളിൽ പ്രവർത്തിച്ചിരുന്നു. കാഞ്ഞങ്ങാട്ട് നിന്ന് പ്രസിദ്ധീകരിക്കുന്ന നവത ദിനപത്രത്തിലൂടെയാണ് നാല് പതിറ്റാണ്ട് മുമ്പ് പത്രപ്രവർത്തന രംഗത്ത് എത്തിയത്. ആദ്യ കാലത്ത് നാടക രംഗത്തും സജീവമായിരുന്നു. നിരവധി നാടകങ്ങളും നാടക ഗാനങ്ങളും എഴുതിയിട്ടുണ്ട്. മികച്ച മാധ്യമപ്രവർത്തനമുള്ള പുരസ്കാരങ്ങളും ലഭിച്ചിട്ടുണ്ട്.
ഭാര്യ: പി പത്മിനി. മക്കൾ: അനുപ് കൃഷ്ണൻ (ഗൾഫ് ഏഷ്യൻ മെഡിക്കൽ സെൻറർ, സഊദി അറേബ്യ), അഞ്ജു കൃഷ്ണൻ (സംഗീത വിദ്യാർഥി). മരുമക്കൾ: പി രഞ്ജിത് (സഊദി അറേബ്യ), ജയശ്രീ അനുപ് ( ഉദുമ). സംസ്ക്കാരം നാളെ രാവിലെ 10 മണിക്ക് വിട്ടുവളപ്പിൽ.
---- facebook comment plugin here -----