Health
തക്കാളിപ്പനി: ആശങ്കപ്പെടേണ്ട സാഹചര്യമില്ല; കുട്ടികളില് ശ്രദ്ധ വേണം: മന്ത്രി വീണ ജോര്ജ്
അഞ്ചുവയസില് താഴെയുള്ള കുട്ടികളെയാണ് ഈ രോഗം കൂടുതലായും ബാധിക്കുന്നതിനാല് ഏറെ ശ്രദ്ധ വേണം
തിരുവനന്തപുരം | സംസ്ഥാനത്ത് ചില ജില്ലകളില് തക്കാളിപ്പനി (ഹാന്ഡ്-ഫൂട്ട്-മൗത്ത് ഡിസീസ് ) റിപ്പോര്ട്ട് ചെയ്യപ്പെടുന്നുണ്ടെങ്കിലും ആശങ്ക വേണ്ടെന്ന് ആരോഗ്യ വകുപ്പ് മന്ത്രി വീണാ ജോര്ജ്. ഒരു ജില്ലയിലും വലിയ വ്യാപനമില്ലെന്നും ആരും ഗുരുതരാവസ്ഥയിലില്ലെന്നും മന്ത്രി പറഞ്ഞു
രോഗത്തിന് അപകട സാധ്യത കുറവാണെങ്കിലും അപൂര്വമായി മസ്തിഷ്ക ജ്വരത്തിന് കാരണമായേക്കാം. മാത്രമല്ല അഞ്ചുവയസില് താഴെയുള്ള കുട്ടികളെയാണ് ഈ രോഗം കൂടുതലായും ബാധിക്കുന്നതിനാല് ഏറെ ശ്രദ്ധ വേണം. രോഗലക്ഷണങ്ങള് കണ്ടാല് ഉടന് ഡോക്ടറുടെ സേവനം തേടേണ്ടതാണ്. കുഞ്ഞുങ്ങള്ക്ക് ഇടയ്ക്കിടയ്ക്ക് കുടിക്കാന് ധാരാളം വെള്ളം കൊടുക്കണം. മറ്റ് കുട്ടികള്ക്ക് ഈ രോഗം പകരാതെ ശ്രദ്ധിക്കണമെന്നും മന്ത്രി അറിയിച്ചു.
---- facebook comment plugin here -----