Kerala
വനിതാ ഡോക്ടറെ ആക്രമിച്ച സംഭവത്തില് ശക്തമായ നടപടിയുണ്ടാകും: മന്ത്രി വീണാ ജോര്ജ്
ഇങ്ങനെയുള്ള ആക്രമണങ്ങള് ഒരു കാരണവശാലും അംഗീകരിക്കാന് കഴിയില്ലെന്നും ആരോഗ്യമന്ത്രി
തിരുവനന്തപുരം | തിരുവനന്തപുരം ജനറല് ആശുപത്രിയില് വനിത ഡോക്ടര് ആക്രമിച്ച സംഭവത്തില് ശക്തമായ നടപടിയുണ്ടാകുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ഇന്നലെയാണ് ജനറല് ആശുപത്രിയില് വനിത ഡോക്ടര് ആക്രമിക്കപ്പെട്ടത്. ആരോഗ്യ പ്രവര്ത്തകര്ക്ക് നേരെയുണ്ടാകുന്ന ഇങ്ങനെയുള്ള ആക്രമണങ്ങള് ഒരു കാരണവശാലും അംഗീകരിക്കാന് കഴിയില്ലെന്നും ആരോഗ്യമന്ത്രി ഫേസ്ബുക്ക് പോസ്റ്റില് വ്യക്തമാക്കി
ഫേസ്ബുക്ക് പോസ്റ്റിന്റെ പൂര്ണ രൂപം:
തിരുവനന്തപുരം ജനറല് ആശുപത്രിയില് വനിത ഡോക്ടര് ആക്രമിക്കപ്പെട്ട സംഭവം അങ്ങേയറ്റം അപലപനീയമാണ്. ആക്രമിക്കപ്പെട്ട ഡോക്ടറെ ഫോണില് വിളിച്ച് സംസാരിച്ച് എല്ലാ പിന്തുണയും അറിയിച്ചു. ഒപിയില് ഇരിക്കുമ്പോഴാണ് ഡോക്ടര് ആക്രമിക്കപ്പെട്ടത്. ഡോക്ടറുടെ കൈയ്യില് പൊട്ടലുണ്ട്. ആരോഗ്യ പ്രവര്ത്തകര്ക്ക് നേരെയുണ്ടാകുന്ന ഇങ്ങനെയുള്ള ആക്രമണങ്ങള് ഒരു കാരണവശാലും അംഗീകരിക്കാന് കഴിയില്ല. അത് ആരോഗ്യ പ്രവര്ത്തകരുടെ മനോവീര്യം കെടുത്തും. പ്രതി റിമാന്ഡിലാണ്. കുറ്റം ചെയ്തയാള്ക്കെതിരെ ശക്തമായ നടപടി സ്വീകരിക്കുന്നതാണ്.