Kerala
മഴക്കെടുതി: മരിച്ചവരുടെ കുടുംബങ്ങള്ക്ക് ധനസഹായം പ്രഖ്യാപിച്ച് സര്ക്കാര്
നാല് ലക്ഷം രൂപ സഹായം നല്കുമെന്ന് റവന്യൂ മന്ത്രി കെ രാജന് അറിയിച്ചു.
തിരുവനന്തപുരം| സംസ്ഥാനത്ത് മഴക്കെടുതിയില് മരിച്ചവരുടെ കുടുംബങ്ങള്ക്ക് സര്ക്കാര് ധനസഹായം പ്രഖ്യാപിച്ചു. നാല് ലക്ഷം രൂപ സഹായം നല്കുമെന്ന് റവന്യൂ മന്ത്രി കെ രാജന് അറിയിച്ചു. കാലതാമസം കൂടാതെ തുക വിതരണം ചെയ്യാന് നിര്ദേശം നല്കിയിട്ടുണ്ടെന്നും മന്ത്രി വ്യക്തമാക്കി. സംസ്ഥാനത്ത് മഴക്കെടുതിയില് ഇരുവരെ മരിച്ചവരുടെ എണ്ണം 13 ആയി.
അതേസമയം, സംസ്ഥാനത്ത് മഴയുടെ ശക്തി കുറയുന്നു. അറബിക്കടലിലെ ന്യൂനമര്ദ്ദം തീര്ത്തും ദുര്ബലമായി. പക്ഷെ ന്യൂനമര്ദ്ദത്തിന്റെ അവശേഷിപ്പുകള് തുടരുന്നതിനാല് ഒറ്റപ്പെട്ട ശക്തമായ മഴ ഇന്ന് വൈകീട്ട് വരെ തുടര്ന്നേക്കും. ഇന്ന് തിരുവനന്തപുരം മുതല് കോഴിക്കോട് വരെയുള്ള പതിനൊന്ന് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
---- facebook comment plugin here -----