First Gear
മഴ: വാഹനയാത്രികര്‍ക്ക് പോലീസ് മുന്നറിയിപ്പ്
മഴയുള്ള കാലാവസ്ഥയിൽ റോഡുകളിൽ അതീവ ജാഗ്രത പാലിക്കണമെന്ന് പോലീസ് ആവശ്യപ്പെട്ടു.
അബൂദബി | യു എ ഇ കാലാവസ്ഥാ ഏജൻസിയുടെ പ്രവചനത്തെത്തുടർന്ന് അബൂദബി പോലീസ് രാജ്യത്തിന്റെ വിവിധ ഭാഗങ്ങളിൽ നാല് ദിവസത്തേക്ക് മഴ പെയ്യുമെന്ന് മുന്നറിയിപ്പ് നൽകി. മഴക്കാലത്ത് വാഹനമോടിക്കുന്നവർ തങ്ങളുടെയും മറ്റ് യാത്രക്കാരുടെയും സുരക്ഷ ഉറപ്പാക്കാൻ നിർബന്ധമായും പാലിക്കേണ്ട നടപടിക്രമങ്ങൾ വിശദീകരിച്ചു. സാമൂഹിക മാധ്യമങ്ങളിലൂടെ പങ്കുവെച്ച സുരക്ഷാ ക്യാമ്പയിനിൽ, മഴയുള്ള കാലാവസ്ഥയിൽ റോഡുകളിൽ അതീവ ജാഗ്രത പാലിക്കണമെന്ന് പോലീസ് ആവശ്യപ്പെട്ടു.
അബൂദബിയിൽ നാളെ മുതൽ ഈ മാസം 18 വരെ നേരിയതോ കനത്തതോ ആയ മഴയും താപനിലയിൽ കാര്യമായ കുറവും ഉള്ള കാലാവസ്ഥ അനുഭവപ്പെടുമെന്ന് പ്രതീക്ഷിക്കുന്നതായി കാലാവസ്ഥ ഏജൻസി അറിയിച്ചു. മഴ പെയ്യുമ്പോൾ ജാഗ്രത പാലിക്കുക, തോടുകൾ, താഴ്‌വരകൾ, മഴവെള്ള സംഭരണികൾ എന്നിവയിൽ നിന്ന് വിട്ടുനിൽക്കുക തുടങ്ങിയവ പാലിക്കണമെന്ന് പോലീസ് അഭ്യര്‍ഥിച്ചു.
വാഹനം പുറപ്പെടുന്നതിന് മുമ്പ് വിൻഡ് ഷീൽഡ് വൈപ്പറുകളുടെയും ടയറുകളുടെയും അവസ്ഥ പരിശോധിക്കുക.
മെച്ചപ്പെട്ട ദൃശ്യപരിധിക്കും നിങ്ങളുടെ മുന്നിലുള്ള വാഹനമോടിക്കുന്നവരെ അലർട്ട് ചെയ്യാനും പകൽ സമയത്ത് ഹെഡ്ലൈറ്റുകൾ ഉപയോഗിക്കുക.
നിങ്ങളുടെ വാഹനവും നിങ്ങളുടെ മുന്നിലുള്ള കാറും തമ്മിലുള്ള അകലം വർധിപ്പിക്കുക.
റോഡുകളിലെ വേഗതയും ദിശാസൂചന ബോർഡുകളും പാലിക്കുക.
വെള്ളക്കെട്ടുള്ള സ്ഥലങ്ങളിലൂടെ വാഹനം ഓടിക്കരുത്.
വാഹനമോടിക്കുമ്പോൾ മൊബൈൽ ഉപയോഗിച്ചു ഫോട്ടോ/ വീഡിയോ എടുക്കുന്നത് ഒഴിവാക്കുക.
Latest
അട്ടപ്പാടിയില്‍ വീണ്ടും ആദിവാസി ശിശുമരണം; ഏഴുമാസം പ്രായമുള്ള കുഞ്ഞ് ശ്വാസംമുട്ടലിനെ തുടര്‍ന്ന് മരിച്ചു
പയ്യോളിയില്‍ കാര്‍ ലോറിയില്‍ ഇടിച്ച് അപകടം; രണ്ട് മരണം
ടൂറിസ്റ്റ് ബസും കാറും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു
വടം കഴുത്തില്‍ കുരുങ്ങി സ്‌കൂട്ടര്‍ യാത്രികന്‍ മരിച്ച സംഭവം; പോസ്റ്റ്മോര്‍ട്ടം വിവരങ്ങള്‍ ഇന്ന് പുറത്ത് വരും
രാഹുല്‍ ഗാന്ധി ഇന്ന് മലപ്പുറത്ത് ; ഏറനാട്, നിലമ്പൂര്‍,വണ്ടൂര്‍ നിയമസഭ മണ്ഡലങ്ങളില്‍ റോഡ് ഷോ
ജഗന്‍ മോഹന്‍ റെഡ്ഡിയെ ആക്രമിച്ചവരെക്കുറിച്ച് വിവരം നല്‍കുന്നവര്‍ക്ക് രണ്ടു ലക്ഷം രൂപ പാരിതോഷികം പ്രഖ്യാപിച്ച് പോലീസ്
