meelad campaign
മഅദിന്‍ സ്‌നേഹ നബി ക്യാമ്പയിന് പ്രൗഢ തുടക്കം
മഅദിന്‍ സ്‌നേഹ നബി ക്യാമ്പയിന് പ്രൗഢ തുടക്കം
മലപ്പുറം | മഅദിന്‍ അക്കാദമിക്ക് കീഴില്‍ നവംബര്‍ അഞ്ച് വരെ നീണ്ടുനില്‍ക്കുന്ന ‘സ്‌നേഹ നബി’ ക്യാമ്പയിന് പ്രൗഢമായ തുടക്കം. സമസ്ത ഉപാധ്യക്ഷന്‍ സയ്യിദ് അലി ബാഫഖി തങ്ങള്‍ ഉദ്ഘാടനം നിര്‍വഹിച്ചു. മഅദിന്‍ അക്കാദമി ചെയര്‍മാന്‍ സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി കര്‍മ പദ്ധതികള്‍ പ്രഖ്യാപിച്ചു. പ്രവാചകപ്പിറവി ദിനം ആഗോള മുസ്ലിംകള്‍ക്ക് വിശേഷപ്പെട്ടതാണെന്നും റബീഅ് മാസം പ്രവാചക പ്രകീര്‍ത്തനങ്ങളാല്‍ ധന്യമാക്കണമെന്നും അവിടുത്തെ മാതൃകാ ജീവിതം അനുകരിക്കാന്‍ വിശ്വാസിക്ക് കടമയുണ്ടെന്നും അദ്ദേഹം പറഞ്ഞു. റഫീഖ് സഅദി ദേലംപാടി മുഖ്യപ്രഭാഷണം നടത്തി. സയ്യിദ് മുത്തുക്കോയ തങ്ങള്‍ കണ്ണവം പ്രാര്‍ഥന നിര്‍വഹിച്ചു.
തുടര്‍ന്ന നടന്ന ആത്മീയ സമ്മേളനത്തില്‍ മുള്‌രിയ്യ, ഹദ്ദാദ് റാതീബ്, സ്വലാത്തുന്നാരിയ, ഖുര്‍ആന്‍ പാരായണം, തഹ് ലീല്‍, പ്രാര്‍ഥന, അന്നദാനം എന്നിവ നടന്നു. പഠനം, ആസ്വാദനം, സാഹിത്യം, കാരുണ്യം എന്നീ സെഷനുകളിലായി മീലാദ് വിളംബരം, റബീഉല്‍ അവ്വല്‍ 11 ന് മലപ്പുറത്ത് നബിദിന സന്ദേശ റാലി, റബീഉല്‍ അവ്വല്‍ ഒന്ന് മുതല്‍ മഅദിന്‍ ഗ്രാൻഡ് മസ്ജിദില്‍ മൗലിദ് ജല്‍സ, റബീഅ് ആത്മീയ സമ്മേളനം, പ്രവാചക സന്ദേശ പ്രഭാഷണങ്ങള്‍, സീറത്തുന്നബി, ചരിത്ര ശേഖരണം, ഹദീസ് ഇ-പോസ്റ്റര്‍ സന്ദേശം, പ്രഭാത മൗലിദ്, കൊളാഷ് പ്രദര്‍ശനങ്ങള്‍, ലൈറ്റ് ഓഫ് മദീന, വിവിധ ഭാഷകളില്‍ പ്രവാചക പ്രകീര്‍ത്തനങ്ങള്‍ അവതരിപ്പിക്കുന്ന ആസ്വാദന വേദി, മൗലിദ് പാരായണം, സ്വീറ്റ് പ്രൈസ്, വെര്‍ച്വല്‍ അസംബ്ലി, മുത്ത് നബി ക്വിസ്, വീഡിയോ ടോക്, ബുക് ടെസ്റ്റ്, മദ്ഹ് ഗാന രചന, പ്രബന്ധ രചന, സ്റ്റാറ്റസ് വീഡിയോ, ഭക്ഷണ വിതരണം, വിധവാ സഹായം എന്നിവ ക്യാമ്പയിനിന്റെ ഭാഗമായി നടക്കും.
സ്വലാത്ത് ആത്മീയ സംഗമത്തില്‍ സയ്യിദ് ശിഹാബുദ്ദീന്‍ ബുഖാരി കടലുണ്ടി, സയ്യിദ് ബാഖിര്‍ ശിഹാബ് തങ്ങള്‍, സയ്യിദ് ഹബീബ് തുറാബ് തലപ്പാറ, സയ്യിദ് മുഹമ്മദ് ഫാറൂഖ് ജമലുല്ലൈലി, സമസ്ത കേന്ദ്ര മുശാവറ അംഗം പൊന്മള മൊയ്തീന്‍ കുട്ടി ബാഖവി, ഇബ്‌റാഹീം ബാഖവി മേല്‍മുറി, സുലൈമാന്‍ ഫൈസി കിഴിശ്ശേരി, അബ്ദുല്‍ ജലീല്‍ സഖാഫി കടലുണ്ടി, അബൂബക്കര്‍ സഖാഫി അരീക്കോട് സംബന്ധിച്ചു.
Latest
കാറിടിച്ച് പരുക്കേറ്റ ബൈക്ക് യാത്രികന്‍ മരിച്ചു
അശ്ലീല വീഡിയോകളില്‍ കുട്ടികളെ ഉപയോഗിക്കുന്നത് കുറ്റകരം; സുപ്രീംകോടതി
രാഹുലിന് പക്വത ഇല്ലെങ്കില്‍ കോണ്‍ഗ്രസിലെ അറിവുള്ള നേതാക്കള്‍ ഉപദേശിച്ചുകൊടുക്കണം ; ഇപി ജയരാജന്‍
എഐസിസി സെക്രട്ടറി തജീന്ദര്‍ സിങ്ങ് ബിട്ടു ബിജെപിയില്‍ ചേര്‍ന്നു
നുണക്ക് സമ്മാനമുണ്ടെങ്കിൽ ഒന്നാം സ്ഥാനം പ്രതിപക്ഷനേതാവിന്; മുഖ്യമന്ത്രി പിണറായി വിജയന്‍
അമേഠിക്ക് ശേഷം കോണ്‍ഗ്രസിന്റെ രാജകുമാരന്‍ വയനാട്ടിലും തോല്‍ക്കും; മറ്റൊരു മണ്ഡലം തേടിപ്പോകും: നരേന്ദ്ര മോദി
