കണ്ണൂരിൽ നാടൻ ബോംബുകൾ കണ്ടെത്തി

കണ്ണൂർ | കണ്ണൂരിൽ ഉ​ഗ്രശേഷിയുള്ള നാടൻ ബോംബുകൾ പോലീസ് കണ്ടെത്തി. കണ്ണവത്ത് ചാക്കിൽ കെട്ടി കലുങ്കിനടിയിൽ സൂക്ഷിച്ച നിലയിൽ എട്ട് ബോംബുകളാണ് കണ്ടെത്തിയത്. കണ്ണവം തൊടീക്കളം കിഴവക്കൽ ഭാ​ഗത്ത് നിന്നാണ് ബോംബുകൾ കണ്ടെത്തിയത്.

പോലീസ് ഇവ സുരക്ഷിത സ്ഥാനത്തേക്ക് മാറ്റി നിർവീര്യമാക്കാനുള്ള നടപടികൾ ആരംഭിച്ചിട്ടുണ്ട്. പരിശോധന കർശനമാക്കി.

കണ്ണൂരിൽ ഉപരാഷ്ട്രപതിയുടെ സന്ദർശനത്തിന്റെ ഭാ​ഗമായി പോലീസ് കർശന പരിശോധന നടത്തിയിരുന്നു. ഈ പരിശോധനയിലാണ് ബോംബുകൾ കണ്ടെത്തിയത്.