Kerala
കെ സി വേണുഗോപാലിനെ സാമൂഹിക മാധ്യമങ്ങളിലൂടെ വിമര്ശിച്ചു; ബ്ലോക്ക് പ്രസിഡന്റിനേയും വൈസ് പ്രസിഡന്റിനേയും സസ്പെന്ഡ് ചെയ്തു
അഞ്ച് നിയമസഭാ തിരഞ്ഞെടുപ്പിലെ ദയനീയ തോല്വിക്ക് പിന്നാലെ സംഘടനാ ചുമതലയുള്ള കെസി വേണുഗോപിലെനെതിരെ പാര്ട്ടിയില് നിന്നു തന്നെ വലിയ വിമര്നം ഉയര്ന്നിരുന്നു
കോഴിക്കോട് |സാമൂഹിക മാധ്യമങ്ങളിലൂടെ കോണ്ഗ്രസ് ജനറല് സെക്രട്ടറി കെ സി വേണുഗോപാലിനെ വിമര്ശിച്ചതിന് രണ്ട് പേരെ പാര്ട്ടിയില് നിന്നും സസ്പെന്ഡ് ചെയ്തു. വെളളയില് ബ്ലോക്ക് പ്രസിഡന്റായിരുന്ന സലീം കുന്ദമംഗലം, ബ്ലോക്ക് വൈസ് പ്രസിഡന്റായിരുന്ന അബ്ദുള് റസാഖ് എന്നിവരെയാണ് സസ്പെന്ഡ് ചെയ്തത്.ഇത്തരം കാര്യങ്ങള് ആവര്ത്തിക്കുന്നവര്ക്കെതിരെ കടുത്ത നടപടി ഉണ്ടാകുമെന്ന് കോഴിക്കോട് ജില്ലാ യുഡിഎഫ് പ്രസിഡന്റ് ് കെ പ്രവീണ് കുമാര് മുന്നറിയിപ്പ് നല്കി.
അഞ്ച് നിയമസഭാ തിരഞ്ഞെടുപ്പിലെ ദയനീയ തോല്വിക്ക് പിന്നാലെ സംഘടനാ ചുമതലയുള്ള കെസി വേണുഗോപിലെനെതിരെ പാര്ട്ടിയില് നിന്നു തന്നെ വലിയ വിമര്നം ഉയര്ന്നിരുന്നു.
തിരഞ്ഞെടുപ്പ് തോല്വിയുടെ പേരില് കെസി വേണുഗോപാലിനെ ഒറ്റ തിരിഞ്ഞ് ആക്രമിക്കുന്നത് ശരിയല്ലെന്ന് മുതിര്ന്ന കോണ്ഗ്രസ് നേതാവ് പിജെ കുര്യന് കഴിഞ്ഞ ദിവസം പറഞ്ഞിരുന്നു. രാഹുല് ഗാന്ധി എടുക്കുന്ന തീരുമാനം നടപ്പാക്കുകയാണ് കെസി വേണുഗോപാല് ചെയ്യുന്നതെന്നും അദ്ദേഹം പറഞ്ഞിരുന്നു.