Heavy rain
സംസ്ഥാനത്ത് ഇന്നും ഒറ്റപ്പെട്ട കനത്ത മഴ; അഞ്ച് ജില്ലകളില് യെല്ലോ അലേര്ട്ട്
അറബിക്കടലില് ശക്തമായ ന്യൂനമര്ദം നിലനില്ക്കുന്നു
തിരുവനന്തപുരം | സംസ്ഥാനത്ത് ഇന്ന് മുതല് വ്യാഴാഴ്ച്ച വരെ പലയിടത്തും ഇടിമിന്നലോട്കൂടി ഒറ്റപ്പെട്ട കനത്ത മഴയുണ്ടാകുമെന്ന് കേന്ദ്ര കാലാവസ്ഥ വിഭാഗത്തിന്റെ മുന്നറിയിപ്പ്. ഇന്ന് അഞ്ച് ജില്ലകളിലും നാളെ ഏഴ് ജില്ലകളിലും യെല്ലോ അലേര്ട്ട് പ്രഖ്യാപിച്ചു. അറബിക്കടലില് ശക്തമായ ന്യൂനമര്ദം നിലനില്ക്കുന്നതാണ് സംസ്ഥാനത്ത് കനത്ത മഴ ലഭിക്കാന് കാരണം.
പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളില് നാളെ യെല്ലോ അലേര്ട്ടുകള് പ്രഖ്യാപിച്ചു. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കാന് സാധ്യതയുണ്ടെന്ന് മുന്നറിയിപ്പ് നല്കി.
---- facebook comment plugin here -----