Kerala
ഗ്രാമ വണ്ടി പദ്ധതി ഏപ്രിലില്‍ പരീക്ഷണ ഓട്ടം തുടങ്ങും: മന്ത്രി ആന്റണി രാജു
കോന്നി കെ എസ് ആര്‍ ടി സി ഡിപ്പോ യാഡ് നിര്‍മ്മാണത്തിനായി ഒരു കോടി രൂപാ കൂടി അനുവദിക്കുമെന്ന് മന്ത്രി പറഞ്ഞു
പത്തനംതിട്ട: കോന്നി കെ എസ് ആര്‍ ടി സി ഡിപ്പോ യാഡ് നിര്‍മ്മാണത്തിനായി ഒരു കോടി രൂപാ കൂടി അനുവദിക്കുമെന്ന് ഗതാഗത വകുപ്പു മന്ത്രി ആന്റണി രാജു പറഞ്ഞു. കെ എസ് ആര്‍ ടി സി കോന്നി ഡിപ്പോ പ്രവര്‍ത്തനം ആരംഭിക്കുന്നതിനു മുന്നോടിയായുള്ള യാഡ് നിര്‍മാണത്തിന്റെ ഉദ്ഘാടനം
കോന്നി ചന്ത മൈതാനിയില്‍ നിര്‍വഹിക്കുകയായിരുന്നു മന്ത്രി. സാമ്പത്തിക ബുദ്ധിമുട്ടു കാരണം യാഡിന്റെ നിര്‍മാണ പ്രവര്‍ത്തനം നിലയ്ക്കുകയില്ല. പത്തനാപുരം ഡിപ്പോയില്‍ നിന്ന് കോന്നി മെഡിക്കല്‍ കോളജിലേക്ക് കോന്നി, ആനകുത്തി വഴി ജനുവരി 31 മുതല്‍ കെ എസ് ആര്‍ ടി സി പുതിയ സര്‍വീസ് ആരംഭിക്കും.
മാങ്കോട്, എലിക്കോട്, അതിരുങ്കല്‍,പുളിഞ്ചാണി,കോന്നി, ആനകുത്തി വഴിയാണ് ബസ് സര്‍വീസ് നടത്തുക. കെ എസ് ആര്‍ ടി സി ജീവനക്കാരുടെ ശമ്പള പരിഷ്‌കരണം യാഥാര്‍ഥ്യമായി. തൊഴിലാളികളില്‍ വിശ്വാസമര്‍പ്പിച്ചാണ് ഗതാഗത വകുപ്പ് മുന്‍പോട്ടു പോകുന്നത്. ഏപ്രില്‍ മുതല്‍ ഗ്രാമ വണ്ടി പദ്ധതി പരീക്ഷണാര്‍ഥത്തില്‍ ആരംഭിക്കും. ശേഷം കേരളം മുഴുവന്‍ പദ്ധതി വ്യാപിപ്പിക്കും. കെ എസ് ആര്‍ ടി സിയാണ് ഗതാഗത വകുപ്പിന്റെ മുഖമുദ്രയെന്നും മന്ത്രി പറഞ്ഞു. കെ യു ജനീഷ് കുമാര്‍ എം എല്‍ എ അധ്യക്ഷത വഹിച്ചഴ. ജില്ലാ കളക്ടര്‍ ഡോ. ദിവ്യ എസ് അയ്യര്‍, ബ്ലോക്ക് പഞ്ചായത്ത് പ്രസിഡന്റ് ജിജി സജി, കോന്നി ഗ്രാമപഞ്ചായത്ത് പ്രസിഡന്റ് സുലേഖ വി നായര്‍, ജില്ലാ പഞ്ചായത്ത് അംഗം ജിജോ മോഡി, ശ്യാം ലാല്‍,സന്തോഷ് കുമാര്‍, തുളസിമണിയമ്മ പഞ്ചായത്ത് ജനപ്രതിനിധികള്‍, രാഷ്ട്രീയ പാര്‍ട്ടി നേതാക്കള്‍ പങ്കെടുത്തു
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
