Ongoing News
വാക്കുതര്ക്കം; ദമ്മാമില് മലയാളി യുവാവ് കൊല്ലപ്പെട്ടു, സ്വദേശി പൗരന് അറസ്റ്റില്
അതിയന്നൂര് ലോട്ടസ് വില്ലയില് അഖില് അശോക് കുമാര് (28) ആണ് മരിച്ചത്.
ദമ്മാം | സഊദി കിഴക്കന് പ്രാവിശ്യയിലെ ദമ്മാം അല് ബാദിയയില് വാക്കുതര്ക്കത്തെ തുടര്ന്നുണ്ടായ സംഘര്ഷത്തില് തിരുവനന്തപുരം ബാലരാമപുരം ആറാല്ലുമ്മൂട് സ്വദേശിയായ യുവാവ് കൊല്ലപ്പെട്ടു. അതിയന്നൂര് ലോട്ടസ് വില്ലയില് അഖില് അശോക് കുമാര് (28) ആണ് മരിച്ചത്.
സംഭവത്തെ തുടര്ന്ന് സ്വദേശി പൗരന് ഓടി രക്ഷപ്പെട്ടു. ദൃക്സാക്ഷിയായ സുഡാനി പൗരന് വിവരം അറിയിച്ചതിനെ തുടര്ന്ന് പോലീസ് സമയോചിതമായി ഇടപെടുകയും ഇയാളെ ഉടന് തന്നെ പിടികൂടി അറസ്റ്റ് രേഖപ്പെടുത്തുകയും ചെയ്തു. ദമാമിനു സമീപം കഴിഞ്ഞ ഏഴ് വര്ഷമായി എ സി ടെക്നീഷ്യനായി ഖത്തീഫില് ജോലി ചെയ്തുവരികയായിരുന്നു അഖില്. അഖിലിനോടൊപ്പം ഉണ്ടായിരുന്ന ഭാര്യയും, മാതാപിതാക്കളും രണ്ടാഴ്ച മുമ്പാണ് നാട്ടിലേക്ക് തിരിച്ചത്.
അഖിലിന്റെ റിയാദിലുള്ള സഹോദരന് ആദര്ശും ബന്ധുക്കളും ദമ്മാമില് എത്തി സഹോദരന്റെ മൃതദേഹം തിരിച്ചറിഞ്ഞിട്ടുണ്ട്. അഖിലിന്റെ പോസ്റ്റ്മോര്ട്ടം പൂര്ത്തിയാക്കി. തുടര് നടപടികള് ലോക കേരള സഭാ അംഗവും സാമൂഹിക പ്രവര്ത്തകനുമായ നാസ് വക്കത്തിന്റെ നേതൃത്വത്തില് പുരോഗമിക്കുന്നു.
Latest
'ഇതൊരു ഈഗോ പ്രശ്നമല്ല'; നൽസാർ തർക്കത്തിൽ നിയമ വിദ്യാർത്ഥികളോട് മാപ്പപേക്ഷിച്ച് ബാർ കൗൺസിൽ ചെയർമാൻ
ദക്ഷിണ ലെബനാനിൽ ഇസ്റാഈൽ വ്യോമാക്രമണം ശക്തമാക്കുന്നു; കുട്ടികളും സ്ത്രീകളും അടക്കം 11 പേർ കൊല്ലപ്പെട്ടു
ഇന്തോനേഷ്യയിൽ വീണ്ടും ശക്തമായ ഭൂകമ്പം; ഉത്തര സുമാത്രയിൽ റിച്ചർ സ്കെയിലിൽ 6.8 തീവ്രത രേഖപ്പെടുത്തി
കൊയിലാണ്ടിയിൽ വൻ കവർച്ച; ജ്വല്ലറി ഉടമയുടെ പൂട്ടിയിട്ട വീട്ടിൽ നിന്ന് 28 പവൻ സ്വർണം അപഹരിച്ചു
ഉത്തര്പ്രദേശില് സ്കൂള് കെട്ടിടത്തിന്റെ ബാല്ക്കണി തകര്ന്നു വീണു; ആറു വയസുകാരന് ദാരുണാന്ത്യം
കൊച്ചിയിൽ ഡോറടയ്ക്കാതെ സഞ്ചരിച്ച സ്വകാര്യ ബസ്സിൽ നിന്ന് വിദ്യാർഥി തെറിച്ചുവീണു; സി സി ടി വി ദൃശ്യങ്ങൾ പുറത്ത്
