Kerala
ട്രെയിനില്‍ വെച്ച് മലയാളി വിദ്യാര്‍ഥിനിക്ക് മദ്യം നല്‍കി പീഡനം; സൈനികന്‍ അറസ്റ്റില്‍
തിരുവനന്തപുരം സ്വദേശിനിയായ വിദ്യാര്‍ഥിനിയാണ് പീഡനത്തിന് ഇരയായത്.
ആലപ്പുഴ | ട്രെയിനില്‍വച്ച് സൗഹൃദം സ്ഥാപിച്ച മലയാളി വിദ്യാര്‍ഥിനിക്ക് മദ്യം നല്‍കി പീഡിപ്പിച്ചെന്ന പരാതിയില്‍ സൈനികന്‍ പിടിയില്‍. പത്തനംതിട്ട സ്വദേശി പ്രതീഷ് കുമാറിനെയാണ് പോലീസ് അറസ്റ്റ് ചെയ്തത്. രാജധാനി എക്സ്പ്രസില്‍ വ്യാഴാഴ്ചയാണ് സംഭവം. തിരുവനന്തപുരം സ്വദേശിനിയായ വിദ്യാര്‍ഥിനിയാണ് പീഡനത്തിന് ഇരയായത്.
പ്രതീഷ് കുമാര്‍ ജമ്മുകാശ്മീരില്‍ സൈനികനാണ്. ഇയാള്‍ അവധിക്ക് നാട്ടിലേക്ക് വരികയായിരുന്നു.
വിദ്യാര്‍ത്ഥിനി ഉടുപ്പിയില്‍ നിന്നാണ് ട്രെയിനില്‍ കയറിയത്. പ്രതി പിന്നീട് ഇവരുമായി സൗഹൃദം സ്ഥാപിക്കുകയായിരുന്നു. തുടര്‍ന്ന് മദ്യം നല്‍കി ലൈംഗിക അതിക്രമം നടത്തുകയായിരുന്നു. വീട്ടിലെത്തിയ വിദ്യാര്‍ഥിനി ഭര്‍ത്താവിനോടാണ് ലൈംഗിക അതിക്രമത്തെക്കുറിച്ച് പറഞ്ഞത്.തുടര്‍ന്ന് പോലീസില്‍ പരാതി നല്‍കുകയായിരുന്നു. കഴിഞ്ഞ ഒരു മാസമായി യുവതി വിഷാദ രോഗത്തിന് ചികിത്സയിലാണ്.
Latest
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
ധ്രുവ് റാഠി എന്ന മാധ്യമ പ്രതിപക്ഷം
ഇ വി എമ്മിന്റെ വിശ്വാസ്യത വോട്ടര്മാര്ക്കും ബോധ്യപ്പെടണം
മണ്ണു നീക്കുന്നതിനിടെ സ്റ്റീല് ബോംബ് കണ്ടെയ്നര് കണ്ടെത്തി
