മകള്‍ പീഡനത്തിനിരയായ വിവരം മറച്ചുവച്ചു; മാതാപിതാക്കള്‍ അറസ്റ്റില്‍

കാസര്‍കോട് | കാസര്‍കോട് ഉളിയത്തടുക്കയില്‍ പതിമൂന്നുകാരി പീഡനത്തിന് ഇരയായത് മറച്ചുവച്ചതിന് മാതാപിതാക്കളെ പോലീസ് അറസ്റ്റ് ചെയ്തു. ഇവരെ കോടതി 14 ദിവസത്തേക്ക് റിമാന്‍ഡ് ചെയ്തു.
ജൂണ്‍ 25ന് കുട്ടിയെ കൂട്ടിക്കൊണ്ടുപോയി ഉളിയത്തടുക്ക റഹ്മത്ത് നഗറിലെ ആളൊഴിഞ്ഞ വീട്ടില്‍ വച്ച് ലൈംഗികമായി പീഡിപ്പിക്കുകയായിരുന്നു. നാട്ടുകാര്‍ അറിഞ്ഞതോടെയാണ് സംഭവം വെളിച്ചത്തായത്. പീഡന കേസില്‍ നാല് പേരെ അറസ്റ്റ് ചെയ്തു.

സംഘത്തില്‍ നിരവധി പേരുണ്ടായിരുന്നുവെന്ന് കുട്ടിയുടെ മൊഴിയുടെ അടിസ്ഥാനത്തില്‍ അന്വേഷണം വ്യാപിപ്പിച്ച കാസര്‍കോട് വനിതാ പോലീസ് സെല്‍ അഞ്ച് പേരെ കൂടി പിടികൂടി. രണ്ട് വര്‍ഷമായി പ്രതികള്‍ പല സ്ഥലങ്ങളില്‍ കൊണ്ട് പോയി പീഡിപ്പിച്ചിട്ടുണ്ടെന്ന് പെണ്‍കുട്ടി മൊഴി നല്‍കിയിരുന്നു.