ലോക്ക്ഡൗണ്‍: ഇന്ന് മുഖ്യമന്ത്രിയുടെ നേതൃത്വത്തില്‍ അവലോകന യോഗം

തിരുവനന്തപുരം | അതിതീവ്ര കൊവിഡിനെ തുടര്‍ന്ന് സംസ്ഥാനത്ത് കഴിഞ്ഞ ഒരു മാസത്തോളമായി തുടരുന്ന ലോക്ക്ഡൗണില്‍ ഇളവുകള്‍ നല്‍കുന്നത് സംബന്ധിച്ച് ഇന്ന് തീരുമാനമാകും. വൈകിട്ട് മുഖ്യമന്ത്രി പിണറായി വിജയന്റെ നേതൃത്വത്തില്‍ നടക്കുന്ന അവലോകന യോഗത്തിലാകും തരുമാനം. ലോക്ക്ഡൗണ്‍ പൂര്‍ണമായി പിന്‍വലിച്ചില്ലെങ്കിലും വലിയ തോതില്‍ ഇളവുണ്ടാകുമെന്നാണ് വിവരം.

ഓട്ടോ, ടാക്‌സി സര്‍വീസുകള്‍ക്കും കൂടുതല്‍ കെ എസ് ആര്‍ ടി സി ബസ് സര്‍വീസുകള്‍ക്കും അനുമതി നല്‍കിയേക്കും. തുണിക്കടകള്‍, ചെരിപ്പുകള്‍ വില്‍ക്കുന്ന കടകള്‍ എന്നിവ്ക്ക് തുറക്കാന്‍ അനുമതിയുണ്ടാകും. ശനി, ഞായര്‍ ദിവസങ്ങളിലെ സമ്പൂര്‍ണ ലോക്ഡൗണിന് ശേഷം ഇന്ന് കൂടുതല്‍ ഇളവുകള്‍ ഉണ്ട്. ഹോട്ടലുകളില്‍ നിന്നും പാഴ്‌സലുകള്‍ അനുവദിക്കും. നിര്‍മാണപ്രവര്‍ത്തനങ്ങള്‍ക്കും അനുമതി ഉണ്ട്.