Kerala
മഴക്കാല രോഗങ്ങള്; ജാഗ്രത വേണമെന്ന് ആരോഗ്യ മന്ത്രി
തിരുവനന്തപുരം | മഴക്കാല രോഗങ്ങള്ക്കെതിരെ ജാഗ്രത പാലിക്കണമെന്ന് ആരോഗ്യ വകുപ്പ് മന്ത്രി വീണ ജോര്ജ്. കൊതുകുകള് പെരുകുന്നതു കാരണം ഡെങ്കിപ്പനി, ചിക്കുന്ഗുനിയ, മലിനമായ ജലം കുടിവെള്ള സ്രോതസ്സുകളില് കലരുന്നത് വഴി എലിപ്പനി, വയറിളക്കം, മഞ്ഞപ്പിത്തം തുടങ്ങിയ രോഗങ്ങള് വര്ധിക്കാനിടയുണ്ട്.
മലിനജല സമ്പര്ക്കത്തിലൂടെ ഉണ്ടാകുന്ന ജന്തുജന്യ രോഗമാണ് എലിപ്പനി അഥവാ ലെപ്റ്റോസ്പൈറോസിസ്. പ്രളയബാധിത മേഖലകളിലെ പകര്ച്ച വ്യാധികളില് ഏറ്റവും പ്രധാനമാണിത്. എലിപ്പനി പ്രതിരോധത്തിനുള്ള ഡോക്സിസൈക്ലിന് മരുന്ന് എല്ലാ സര്ക്കാര് ആശുപത്രികളിലും സൗജന്യമായി ലഭിക്കുമെന്നും മന്ത്രി പറഞ്ഞു. എലിപ്പനിയുടെ ലക്ഷണങ്ങള് പ്രകടമാകുമ്പോള് തന്നെ ചികിത്സ ലഭ്യമാക്കിയാല് രോഗം ഗുരുതരമാകാതെ ഭേദപ്പെടുത്താന് സാധിക്കും. മലിനജലവുമായി സമ്പര്ക്കത്തിലേര്പ്പെടുന്നവര് ജാഗ്രത പാലിക്കണമെന്നും ആരോഗ്യ മന്ത്രി നിര്ദേശിച്ചു.