കെ മുരളീധരൻ ഏത് മണ്ഡലത്തിൽ മത്സരിക്കാനും ശക്തൻ: ഉമ്മൻ ചാണ്ടി

കോട്ടയം | കേരളത്തില്‍ ഏത് മണ്ഡലത്തില്‍ മത്സരിക്കാനും ശക്തനാണ് കെ മരുരളീധരനെന്ന് കോണ്‍ഗ്രസ് നേതാവ് ഉമ്മന്‍ചാണ്ടി. മുരളീധരന്‍ നേമത്ത് ശക്തനായ സ്ഥാനാര്‍ഥിയാണോ എന്ന ചോദ്യത്തിനാണ് ഉമ്മന്‍ചാണ്ടിയുടെ പ്രതികരണം. നേമത്തെ സ്ഥാനാര്‍ഥിയുടെ കാര്യത്തില്‍ പ്രഖ്യാപനം വരെ കാത്തിരിക്കൂവെന്നും ഉമ്മന്‍ചാണ്ടി പറഞ്ഞു.

നേമം സീറ്റിന്റെ കാര്യത്തില്‍ വലിയ ആശയക്കുഴപ്പമാണ് കോണ്‍ഗ്രസിലുള്ളത്. ഇവിടെ ഉമ്മന്‍ചാണ്ടി മത്സരിക്കുമെന്ന് അഭ്യൂഹമുണ്ടായിരുന്നു. എന്നാല്‍, താന്‍ പുതുപ്പള്ളി വിട്ട് പോകില്ലെന്ന് അദ്ദേഹം വ്യക്തമാക്കിയതോടെ വീണ്ടും പ്രതിസന്ധിയായി. ഒടുവില്‍ കെ മുരളീധരനെ മണ്ഡലത്തില്‍ മത്സരിപ്പിക്കാനാണ് ഇപ്പോഴത്തെ തീരുമാനം.