Covid19
ലോകത്ത് കൊവിഡ് വാക്സിന് ആദ്യമായി സ്വീകരിച്ചത് ഈ ബ്രിട്ടീഷ് മുത്തശ്ശി
ലണ്ടന്‍ | പരീക്ഷണത്തിനലല്ലാതെ ലോകത്ത് ആദ്യമായി കൊവിഡ്- 19 വാക്സിന് സ്വീകരിച്ചത് യു കെയിലെ 90കാരി. ബ്രിട്ടീഷ് സര്‍ക്കാര്‍ ജനങ്ങള്‍ക്ക് കൊവിഡ് വാക്സിന് നല്‍കുന്നത് ആരംഭിച്ചതോടെയാണ് മാര്‍ഗരറ്റ് കീനന്‍ എന്ന മുത്തശ്ശി ഈ റെക്കോര്‍ഡ് സ്വന്തമാക്കിയത്. മധ്യ ഇംഗ്ലണ്ടിലെ കൊവണ്ട്രിയിലെ ആശുപത്രിയില്‍ വെച്ചാണ് മാര്‍ഗരറ്റിന് വാക്സിന് നല്‍കിയത്.
അടുത്തയാഴ്ച 91ാം വയസ്സിലേക്ക് കടക്കുകയാണ് മുത്തശ്ശി. ഫൈസറും ബയോഎന്‍ടെക്കും വികസിപ്പിച്ച വാക്സിന് ബ്രിട്ടന്‍ കഴിഞ്ഞയാഴ്ച അംഗീകാരം നല്‍കുകയും വാക്‌സിനേഷന്‍ ആരംഭിക്കുകയുമായിരുന്നു. വാക്‌സിനേഷന്‍ നല്‍കുന്ന ആദ്യ പടിഞ്ഞാറന്‍ രാജ്യവും കൂടിയാണ് ബ്രിട്ടന്‍.
മഹാമാരി കാരണം ഒരു വര്‍ഷത്തെ ഭൂരിപക്ഷം ദിവസവും സ്വന്തം ഇടത്ത് ഒതുങ്ങിപ്പോയയാളാണ് താനെന്നും എന്നാല്‍ അടുത്ത പുതുവത്സരമെങ്കിലും കുടുംബത്തോടും സുഹൃത്തുക്കളോടുമൊപ്പം ചെലവഴിക്കാന്‍ സാധിക്കുമെന്നാണ് പ്രതീക്ഷയെന്നും അവര്‍ പറഞ്ഞു. നാല് വര്‍ഷം മുമ്പ് വരെ ജ്വല്ലറിയില്‍ ജോലിക്കാരിയായിരുന്നു മാര്‍ഗരറ്റ്. ഒരു മകളും മകനും നാല് പേരക്കുട്ടികളുമാണ് ഇവര്‍ക്കുള്ളത്.
Latest
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
പോളിംഗ് ഉദ്യോഗസ്ഥരുടെ പട്ടിക ചോര്‍ന്ന സംഭവത്തില്‍ നടപടി ; താലൂക്ക് ഓഫീസ് ജീവനക്കാരന് സസ്‌പെന്‍ഷന്‍
