Eranakulam
സഊദിയിൽ വാഹനത്തിൽ നിന്ന് വീണ് പരുക്കേറ്റ് ചികിത്സയിലായിരുന്ന എറണാകുളം സ്വദേശി മരിച്ചു
ത്വാഇഫ് | സഊദിയിലെ ത്വാഇഫിൽ വാഹനത്തിൽ നിന്നും വീണ് പരിക്കേറ്റ് ചികിത്സയിലായിരുന്ന എറണാകുളം സ്വദേശി മരിച്ചു. എറണാകുളം ആലുവ ഉളിയന്നൂര്‍ കുഞ്ഞുണ്ണിക്കര പല്ലേരിക്കണ്ടം അബൂബക്കർ- നഫീസ ദമ്പതികളുടെ മകൻ സത്താര്‍ (42) ആണ് മരണപ്പെട്ടത്.
പതിനെട്ട് വർഷമായി റിയാദിലെ ഉമര്‍ അലി ബന്‍സാഫ് ഫുഡ് സ്റ്റഫ് കമ്പനിയിൽ ട്രയിലർ ഡ്രൈവറായി ജോലി ചെയ്തു വരികയായിരുന്നു. കമ്പനിയുടെ തായിഫ് ബ്രാഞ്ചിലെത്തിയ ഇദ്ദേഹം ട്രയിലറിൽ വിശ്രമിക്കുന്നതിനിടെ ഹൃദയാഘാതം അനുഭവപ്പെടുകയും വാഹനത്തിൽ നിന്നും വീണ് തലയ്ക്ക് ഗുരുതരമായ പരുക്കുമേറ്റിരുന്നു. ഉടൻ തന്നെ ത്വാഇഫ് കിംഗ് ഫൈസല്‍ ആശുപത്രിയില്‍ അത്യാഹിത വിഭാഗത്തിലേക്ക് മാറ്റുകയും ചെയ്തിരുന്നു. രോഗം ഗുരുതരമായതിനെ തുടർന്ന് വെന്റിലേറ്ററിലേക്ക് മാറ്റുകയും മരണം സംഭവിക്കുകയുമായിരുന്നു.
ഭാര്യ: ഷിംന സത്താർ. മക്കൾ: ഇമ്രാൻ, ഇർഫാൻ , ഇഹ്സാൻ,
ത്വാഇഫ് കിംഗ് ഫൈസല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നടപടി ക്രമങ്ങള്‍ പൂർത്തിയാക്കി ഖബറടക്കം ത്വാഇഫിൽ നടക്കും.
Latest
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
