സംസ്ഥാനത്ത് ഇന്ന് 5,022 പേര്‍ക്ക് കൊവിഡ്; 7,469 പേര്‍ രോഗമുക്തരായി

Posted on: October 19, 2020 6:03 pm | Last updated: October 19, 2020 at 9:41 pm

തിരുവനന്തപുരം | സംസ്ഥാനത്ത് ഇന്ന് 5022 പേര്‍ക്ക് കൊവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയന്‍ വാര്‍ത്താ സമ്മേളനത്തില്‍ അറിയിച്ചു. മലപ്പുറം- 910, കോഴിക്കോട്- 772, എറണാകുളം- 598, തൃശൂര്‍- 533, തിരുവനന്തപുരം- 516, കൊല്ലം- 378, ആലപ്പുഴ- 340, കണ്ണൂര്‍- 293, പാലക്കാട്- 271, കോട്ടയം- 180, കാസര്‍കോട്- 120, വയനാട്- 51, പത്തനംതിട്ട- 32, ഇടുക്കി- 28 എന്നിങ്ങനെയാണ് ജില്ല തിരിച്ചുള്ള എണ്ണം.

21 മരണവും ഇന്ന് കൊവിഡ് മൂലമാണെന്ന് സ്ഥിരീകരിച്ചു. തിരുവനന്തപുരം ഇടവ സ്വദേശിനി രമാഭായ് (54), കാഞ്ഞിരംപാറ സ്വദേശിനി ഇന്ദിരദേവി (66), പുന്നയ്ക്കാമുഗള്‍ സ്വദേശിനി സ്നേഹലത ദേവി (53), കൊല്ലം വടക്കേവിള സ്വദേശിനി റഹ്മത്ത് (64), പെരുമണ്‍ സ്വദേശി ശിവപ്രസാദ് (70), എറണാകുളം സൗത്ത് വൈപ്പിന്‍ സ്വദേശിനി ഖദീജ (74), ഇടകൊച്ചി സ്വദേശിനി ലക്ഷ്മി (77), മാലിയന്‍കര സ്വദേശിനി ശ്രീമതി പ്രകാശന്‍ (75), തുറവൂര്‍ സ്വദേശി സി എസ് ബെന്നി (53), ഫോര്‍ട്ട് കൊച്ചി സ്വദേശി പി എസ് ഹംസ (86), തൃശൂര്‍ ഒല്ലൂര്‍ സ്വദേശിനി ഓമന (63), വടക്കേക്കാട് സ്വദേശി ഖാദര്‍ ഹാജി (86), വെള്ളറകുളം സ്വദേശി അബ്ദുല്‍ ഖാദര്‍ (67), മലപ്പുറം അരീക്കോട് സ്വദേശിനി അയിഷകുട്ടി (72), ആനക്കയം സ്വദേശിനി മറിയുമ്മ (55), കോഴിക്കോട് പുതൂര്‍ സ്വദേശി അബൂബക്കര്‍ (65), മേലൂര്‍ സ്വദേശി യാസിര്‍ അരാഫത്ത് (35), പായിമ്പ്ര സ്വദേശി രാമകൃഷ്ണന്‍ (73), വടകര സ്വദേശിനി ശ്യാമള (73), കണ്ണൂര്‍ ആലക്കോട് സ്വദേശിനി ക്ലാരമ്മ ജോയ് (63), കാസര്‍കോട് കുമ്പള സ്വദേശി ടി കെ സോമന്‍ (63) എന്നിവരാണ് മരണമടഞ്ഞത്. ഇതോടെ ആകെ മരണം 1,182 ആയി. ഇത് കൂടാതെ ഉണ്ടായ മരണങ്ങള്‍ എന്‍ ഐ വി ആലപ്പുഴയിലെ പരിശോധനയ്ക്കു ശേഷം സ്ഥിരീകരിക്കും.

ഇന്ന് രോഗം സ്ഥിരീകരിച്ചവരില്‍ 59 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 4,257 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 647 പേരുടെ സമ്പര്‍ക്ക ഉറവിടം വ്യക്തമല്ല. മലപ്പുറം- 862, കോഴിക്കോട്- 669, എറണാകുളം- 398, തൃശൂര്‍- 518, തിരുവനന്തപുരം- 357, കൊല്ലം- 373, ആലപ്പുഴ- 333, കണ്ണൂര്‍- 279, പാലക്കാട്- 121, കോട്ടയം- 155, കാസര്‍കോട്- 101, വയനാട്- 50, പത്തനംതിട്ട- 30, ഇടുക്കി- 11 എന്നിങ്ങനെയാണ് സമ്പര്‍ക്കത്തിലൂടെ രോഗം ബാധിച്ചത്.

59 ആരോഗ്യ പ്രവര്‍ത്തകരും രോഗം ബാധിച്ചവരില്‍ ഉള്‍പ്പെടും. കോഴിക്കോട്- 14, തിരുവനന്തപുരം- 12, തൃശൂര്‍, മലപ്പുറം- എട്ടു വീതം, കാസര്‍കോട്- ആറ്, എറണാകുളം- നാല്, കണ്ണൂര്‍- മൂന്ന്, കോട്ടയം- രണ്ട്, കൊല്ലം, വയനാട്- ഒന്നു വീതം ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 7,469 പേരുടെ പരിശോധനാഫലം നെഗറ്റീവ് ആയി. തിരുവനന്തപുരം- 1670, കൊല്ലം- 627, പത്തനംതിട്ട- 182, ആലപ്പുഴ- 338, കോട്ടയം- 200, ഇടുക്കി- 53, എറണാകുളം- 978, തൃശൂര്‍- 1261, പാലക്കാട്- 347, മലപ്പുറം- 298, കോഴിക്കോട്- 1022, വയനാട്- 128, കണ്ണൂര്‍- 72, കാസര്‍കോട്- 293 എന്നിങ്ങനെയാണ് പരിശോധനാ ഫലം ഇന്ന് നെഗറ്റീവായത്. ഇതോടെ 92,731 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 2,52,868 പേര്‍ ഇതുവരെ കൊവിഡില്‍ നിന്നും മുക്തി നേടി.

സംസ്ഥാനത്തെ വിവിധ ജില്ലകളിലായി 2,77,291 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 2,53,482 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 23,809 പേര്‍ ആശുപത്രികളിലും നിരീക്ഷണത്തിലാണ്. 2,395 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. കഴിഞ്ഞ 24 മണിക്കൂറിനിടെ 36,599 സാമ്പിളുകളാണ് പരിശോധിച്ചത്. റുട്ടീന്‍ സാമ്പിള്‍, എയര്‍പോര്‍ട്ട് സര്‍വയിലന്‍സ്, പൂള്‍ഡ് സെന്റിനല്‍, സിബി നാറ്റ്, ട്രൂനാറ്റ്, സി എല്‍ ഐ എ, ആന്റിജന്‍ അസ്സെ എന്നിവ ഉള്‍പ്പെടെ ഇതുവരെ ആകെ 39,75,798 സാമ്പിളുകള്‍ പരിശോധനയ്ക്കായി അയച്ചു.