ഡോ. ജോസഫ് മാര്‍ത്തോമ്മ മെത്രാപ്പോലീത്ത അന്തരിച്ചു

തിരുവല്ല | ഡോ. ജോസഫ് മാര്‍ത്തോമ്മ മെത്രാപ്പോലീത്ത (89) അന്തരിച്ചു. മാര്‍ ക്രിസോസ്റ്റം വലിയ മെത്രാപ്പോലീത്തയുടെ പിന്‍ഗാമിയാണ്. തിരുവല്ല ബിലീവേഴ്‌സ് മെഡിക്കല്‍ കോളജ് ആശുപത്രിയില്‍ പുലര്‍ച്ചെ രണ്ടരയോടെയാണ് അന്ത്യം സംഭവിച്ചത്. വാര്‍ധക്യ സഹജമായ അസുഖത്തെ തുടര്‍ന്ന് ചികിത്സയിലായിരുന്നു അദ്ദേഹം. 2007 മുതല്‍ കഴിഞ്ഞ 13 വര്‍ഷമായി മാര്‍ത്തോമ്മ സഭയുടെ പരമാധ്യക്ഷനാണ്. 1999 മുതല്‍ 2007 വരെ സഫ്രഗന്‍ മെത്രാപ്പോലീത്തയായിരുന്നു. നാഷണല്‍ കൗണ്‍സില്‍ ഓഫ് ചര്‍ച്ചസിന്റെ അധ്യക്ഷ പദവി ഉള്‍പ്പെടെ വഹിച്ചിട്ടുണ്ട്. ലോകപ്രശസ്തമായ മാരാമണ്‍ കണ്‍വന്‍ഷന്റെ മുഖ്യ സംഘാടകനായിരുന്നു. 1931 ജൂണ്‍ 27-ന് ജനിച്ച 1957-ലാണ് വൈദികനായി സഭാ ശുശ്രൂഷയില്‍ പ്രവേശിച്ചത്. 1975 ഫെബ്രുവരിയില്‍ മെത്രാപ്പോലീത്തയായി.

മൃതദേഹം രാവിലെ എട്ടോടെ തിരുവല്ല മാര്‍ത്തോമ്മ സഭാ ആസ്ഥാനത്തെത്തിക്കും. പൊതു ദര്‍ശനം രാവിലെ എട്ടിന് തിരുവല്ല അലക്‌സാണ്ടര്‍ മാര്‍ത്തോമ്മ സ്മാരക ഓഡിറ്റോറിയത്തില്‍.