Covid19
കൊവിഡ് നിയന്ത്രണം: ഡല്‍ഹി ലെഫ്.ഗവര്‍ണര്‍ക്ക് തന്റെ ഉത്തരവ് വീണ്ടും പിന്‍വലിക്കേണ്ടി വന്നു
ന്യൂഡല്‍ഹി | കൊവിഡ്- 19 നിയന്ത്രണവുമായി ബന്ധപ്പെട്ട് ഡല്‍ഹി ലെഫ്. ഗവര്‍ണര്‍ അനില്‍ ബൈജാലിന് ആഴ്ചകള്‍ക്കുള്ളില്‍ തന്റെ ഉത്തരവ് വീണ്ടും പിന്‍വലിക്കേണ്ടി വന്നു. എല്ലാ കൊവിഡ് രോഗികളും പരിശോധനക്ക് വേണ്ടി സര്‍ക്കാര്‍ സംവിധാനങ്ങള്‍ നിര്‍ബന്ധമായും സന്ദര്‍ശിക്കണമെന്ന ഉത്തരവാണ് ലെഫ്.ഗവര്‍ണര്‍ക്ക് പിന്‍വലിക്കേണ്ടി വന്നത്. ഉത്തരവിനെതിരെ എ എ പി സര്‍ക്കാര്‍ ശക്തമായ പ്രതിഷേധം രേഖപ്പെടുത്തുകയും പിന്‍വലിക്കണമെന്ന് കേന്ദ്ര സര്‍ക്കാറിനോട് ആവശ്യപ്പെടുകയും ചെയ്തിരുന്നു.
ശാരീരിക അകലം ഉറപ്പാക്കാന്‍ കഴിയാത്ത വീടുകളില്‍ കഴിയുന്നവര്‍, മറ്റ് ആരോഗ്യ പ്രശ്‌നങ്ങളില്ലാത്തവര്‍ തുടങ്ങിയ കൊവിഡ് രോഗികളെ മാത്രമെ കൊവിഡ് കേന്ദ്രങ്ങളിലേക്കും മറ്റ് സംവിധാനങ്ങളിലേക്കും മാറ്റുകയുള്ളൂവെന്ന് ലെഫ്.ഗവര്‍ണറുടെ ഓഫീസ് ട്വിറ്ററിലൂടെ അറിയിച്ചു. ഇതോടെ നേരിയ തോതില്‍ കൊവിഡുള്ളവരും ലക്ഷണം പ്രകടിപ്പിക്കാത്തവരും കൊവിഡ് കെയര്‍ സെന്ററുകള്‍ക്കോ സി സി സികള്‍ക്ക് മുമ്പിലോ പരിശോധനക്കായി കാത്തുനില്‍ക്കേണ്ടതില്ല.
ദുരന്ത നിവാരണ അതോറിറ്റിയുടെ യോഗത്തിലാണ് വിവാദ തീരുമാനം കൈക്കൊണ്ടിരുന്നത്. ഇതിനെതിരെ പൊതുജനങ്ങളും രംഗത്തുവന്നിരുന്നു. അതോറിറ്റിക്ക് നേതൃത്വം നല്‍കുന്നത് ലെഫ്. ഗവര്‍ണറാണ്.
Latest
നിമിഷ പ്രിയയുടെ മോചനം; മാപ്പപേക്ഷയുമായി അമ്മ യമനിലേക്കു പുറപ്പെട്ടു
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
