Covid19
കൊവിഡ്: വേഗത്തില്‍ ഫലം ലഭിക്കുന്ന പരിശോധനാ സംവിധാനം വ്യാപിപ്പിക്കാന്‍ സര്‍ക്കാര്‍ നീക്കം
തിരുവനന്തപുരം | വേഗത്തില്‍ ഫലം ലഭിക്കുന്ന കൊവിഡ് പരിശോധനാ സംവിധാനം കൂടുതല്‍ ഇടങ്ങളിലേക്ക് വ്യാപിപ്പിക്കാന്‍ സംസ്ഥാന സര്‍ക്കാര്‍ തീരുമാനിച്ചു. മുക്കാല്‍ മണിക്കൂറിനുള്ളില്‍ ഫലം കിട്ടുന്ന സംവിധാനമാണിത്. ഇതിനുള്ള ഉപകരണങ്ങള്‍ കൂടുതലായി എത്തിക്കും. ഉപകരണം ഉപയോഗിച്ച് ഒരേ സമയം നാലു സാമ്പിളുകള്‍ വരെ പരിശോധിക്കാം. ചിപ്പ് അടിസ്ഥാനമാക്കിയുള്ള പി സി ആര്‍ പരിശോധനയാണിത്. സ്‌ക്രീനിംഗ് പരിശോധനക്കു മാത്രമല്ല, രോഗം സ്ഥിരീകരിക്കുന്നതിനും ഇത് ഉപയോഗിക്കാം. വലിയ തോതിലുള്ള ബയോ സേഫ്റ്റി മാനദണ്ഡങ്ങളില്ലാതെ തന്നെ ഈ പരിശോധന നടത്താനാകുമെന്നതും പ്രത്യേകതയാണ്.
പ്രവാസികളും ഇതര സംസ്ഥാനത്തു നിന്നുള്ളവരും എത്തുന്ന സാഹചര്യത്തില്‍ പരിശോധനയും ഫലവും വേഗത്തിലാക്കേണ്ടി വരുമെന്നത് മുന്‍നിര്‍ത്തിയാണ് സര്‍ക്കാര്‍ തീരുമാനം. സ്വകാര്യ മേഖലയില്‍ കൂടി ഈ സംവിധാനത്തിന് അനുമതി നല്‍കണമെന്ന ആവശ്യവും ഉയര്‍ന്നിട്ടുണ്ട്.
Latest
വയോധികയ്ക്ക് കുത്തിവെപ്പെടുത്ത കേസ്: പ്രതിയുടെ മൊഴിയില്‍ പരസ്പര വൈരുദ്ധ്യം, ചോദ്യം ചെയ്യല്‍ തുടരുന്നു
അമേത്തിയില്‍ കോണ്‍ഗ്രസ്സിനായി റോബര്‍ട്ട് വാദ്രയോ?; പ്രചാരണ ബോര്‍ഡുകള്‍ പ്രത്യക്ഷപ്പെട്ടു
കണ്ണൂരില്‍ വീണ്ടും ബോംബ് ശേഖരം പിടികൂടി
അല്‍ ബദര്‍ അവാര്‍ഡ് മൂന്നാം പതിപ്പ്; ഒക്ടോബര്‍ 15 വരെ എന്‍ട്രി സമര്‍പ്പിക്കാം
തിരഞ്ഞെടുപ്പിന് ഇനി ഒരുനാള്‍ കൂടി മാത്രം; ഇന്ന് കൊട്ടിക്കലാശം
വയനാട് കമ്പമലയില്‍ വീണ്ടും മാവോയിസ്റ്റ് സാന്നിധ്യം; തിരഞ്ഞെടുപ്പ് ബഹിഷ്‌കരിക്കാന്‍ ആവശ്യപ്പെട്ടു
