Covid19
രാജ്യത്ത് കൊവിഡ് മരണം രണ്ടായിരത്തോടടുക്കുന്നു; 24 മണിക്കൂറിനിടെ മരിച്ചത് 95 പേര്
ന്യൂഡല്ഹി | രാജ്യത്ത് കൊവിഡ് 19 വൈറസ് ബാധിതരുടെ എണ്ണം 59,662 ആയി. 1981 പേരാണ് കൊവിഡ് ബാധിച്ച് ഇതുവരെ മരിച്ചത്. കഴിഞ്ഞ 24 മണിക്കൂറിനിടെ 95 കൊവിഡ് മരണങ്ങളാണ് റിപ്പോര്ട്ട് ചെയ്തത്.
നിലവില് ചികിത്സയിലുള്ളത് 39834 പേരാണ്. കഴിഞ്ഞ 24 മണിക്കൂറിനുള്ളില് 3320 പുതിയ കൊവിഡ് കേസുകളാണ് റിപ്പോര്ട്ട് ചെയ്തത്. ഇതുവരെ 17847 പേര് രോഗമുക്തി നേടിയെന്നും ആരോഗ്യമന്ത്രാലയം വ്യക്തമാക്കി.
മഹാരാഷ്ട്രയില് കൊവിഡ് രോഗികളുടെ എണ്ണം 19,000 കടന്നു. ഇന്നലെ മാത്രം 1089 പേര്ക്കാണ് രോഗം സ്ഥിരീകരിച്ചത്. ഇതോടെ രോഗികളുടെ എണ്ണം 19,063 ആയി. ഇന്ന് 37 പേരാണ് മരിച്ചത്. ഇതോടെ മരണ സംഖ്യ 731 ആയി ഉയര്ന്നു. ഇതുവരെ 3470 പേര്ക്ക് രോഗം ഭേദമായെന്ന് ആരോഗ്യവകുപ്പ് അറിയിച്ചു. മുംബൈയില് രോഗികളുടെ എണ്ണം 11967 ല് എത്തി. ധാരാവിയില് 25 പേര്ക്ക് കൂടി രോഗം സ്ഥിരീകരിച്ചു. ഇതോടെ പ്രദേശത്ത് രോഗികളുടെ എണ്ണം 808 ആയി. 26 പേരാണ് ധാരാവിയില് ഇതുവരെ മരിച്ചത്. രാജ്യത്ത് ഏറ്റവും കുടുതല് കൊവിഡ് മരണം സംഭവിച്ച സംസ്ഥാനമാണ് മഹാരാഷ്ട്ര