Kerala
ബാര്ബര് ഷോപ്പുകള് ഇനിയൊരു അറിയിപ്പ് വരെ തുറന്ന് പ്രവര്ത്തിക്കരുത് ; മത്സ്യ ലേലം തുടരും
തിരുവനന്തപുരം | ഇനിയൊരു അറിയിപ്പുണ്ടാകുന്നത് വരെ സംസ്ഥാനത്തെ ബാര്ബര് ഷോപ്പുകള് തുറന്നു പ്രവര്ത്തിക്കാന് അനുവദിക്കില്ലെന്ന് മുഖ്യമന്ത്രി പിണറായി വിജയന്. ബാര്ബര് ഷോപ്പുകള് തുറക്കുന്നത് സംബന്ധിച്ച് വ്യത്യസ്ത അഭിപ്രായം ഉയര്ന്നുവന്നിട്ടുണ്ട്. ഈ സാഹചര്യത്തില് ഇതുമായി ബന്ധപ്പെട്ട് വിശദമായ പരിശോധന ആവശ്യമാണെന്നും മുഖ്യമന്ത്രി വാര്ത്താസമ്മേളനത്തില് പറഞ്ഞു.
ബാര്ബര് ഷോപ്പുകള് ആഴ്ചയില് ഒന്നോ രണ്ടോ ദിവസം തുറക്കുന്നതിന് നേരത്തെ ഉദ്ദേശിച്ചിരുന്നു. എന്നാല് അതുമായി ബന്ധപ്പെട്ട് ഒട്ടേറെ വ്യത്യസ്ത അഭിപ്രായങ്ങള് പല വിദഗ്ധരില്നിന്നും ഉണ്ടായി. പലരാജ്യങ്ങളുടെയും അനുഭവങ്ങള് ചൂണ്ടിക്കാണിച്ചാണ് വിദഗ്ധര് ഇക്കാര്യം ശ്രദ്ധയില്പ്പെടുത്തിയത്. അതുമായി ബന്ധപ്പെട്ട് വിശദമായ പരിശോധന ആവശ്യമാണ്. അതിനാല് ഇനിയൊരു അറിയിപ്പുണ്ടാകുന്നത് വരെ സംസ്ഥാനത്തെ ബാര്ബര് ഷോപ്പുകള് തുറക്കാന് അനുവദിക്കില്ലെന്ന് മുഖ്യമന്ത്രി വ്യക്തമാക്കി.
മത്സ്യലേലം ഇതുവരെ തുടര്ന്നിരുന്നത് പോലെ ഇനിയും തുടരും.സംസ്ഥാനമാകെ മത്സ്യലേലം സംബന്ധിച്ച് പൊതുവായ നിലപാട് എടുത്തിട്ടുണ്ട്. എല്ലാവരും ആ പൊതുനിലപാട് സ്വീകരിക്കാന് സന്നദ്ധരാകണമെന്ന അഭ്യര്ഥനയാണ് മുന്നോട്ടുവെയ്ക്കാനുള്ളത്. മത്സ്യലേലം സംബന്ധിച്ച തര്ക്കങ്ങള്ക്ക് നിറം നല്കാന് ശ്രമിക്കുന്നതായുള്ളചില നീക്കങ്ങള് ശ്രദ്ധയില്പ്പെട്ടിട്ടുണ്ടെന്നും അപകടകരമായ അത്തരംനീക്കങ്ങള് മുളയിലേ നുള്ളിക്കള്ളയുന്ന രീതിയില് ഇടപെടാനാകണമെന്നും മുഖ്യമന്ത്രി വാര്ത്താസമ്മേളനത്തില് പറഞ്ഞു.