Kerala
സ്പ്രിംഗ്ലര്‍ കരാറില്‍ തീരുമാനം തന്റേത്; മറ്റാര്‍ക്കും ഉത്തരവാദിത്തമില്ല: ഐ ടി സെക്രട്ടറി
തിരുവനന്തപുരം | സ്പ്രിംഗ്ലര്‍ കരാറില്‍ തീരുമാനമെടുത്തത് താനാണെന്നും മറ്റാര്‍ക്കും അതില്‍ ഉത്തരവാദിത്തമില്ലെന്നും ഐ ടി സെക്രട്ടറി എം ശിവശങ്കരന്‍. പര്‍ച്ചേസ് ഓര്‍ഡര്‍ ചെയ്യുമ്പോള്‍ നിയമവകുപ്പിന്റെ ഉപദേശം തേടണമെന്ന് വിലയിരുത്തിയിരുന്നില്ല. ഇത് തന്റെ തീരുമാനമായിരുന്നുവെന്നും ഐ ടി സെക്രട്ടറി മാധ്യമങ്ങളോട് പറഞ്ഞു.
അതേ സമയം മുഖ്യമന്ത്രിയുടെ അറിവോടെയായിരുന്നോ കരാര്‍ എന്ന ചോദ്യത്തിന് ഐ ടി സെക്രട്ടറി മറുപടി പറഞ്ഞില്ല.
തന്റെ തീരുമാനത്തില്‍ മറ്റാര്‍ക്കും ഉത്തരവാദിത്തമില്ല. മാര്‍ച്ച് 25 മുതല്‍ ഡാറ്റ ശേഖരണം തുടങ്ങിയിരുന്നു. 24ന് സ്പ്രിംഗ്ലര്‍ പര്‍ച്ചേസ് ഓര്‍ഡര്‍ ഉള്‍പ്പെടെ അയച്ചുതന്നിരുന്നു. ഏപ്രില്‍ രണ്ടിനാണ് ഒപ്പിട്ട് തിരിച്ച് നല്‍കുന്നത്.
സ്പ്രിംഗ്ലര്‍ ഇടപാടിനെ കുറിച്ച് മറുപടി നല്‍കേണ്ടത് ഐ ടി സെക്രട്ടറിയാണെന്ന് മുഖ്യമന്ത്രി പിണറായി വിജയന്‍ കഴിഞ്ഞ ദിവസം പറഞ്ഞിരുന്നു.
Latest
ബെംഗളൂരു ജയിച്ചു
ഇ കെ നേതൃത്വത്തിന്റെ നിര്ദേശം ലംഘിച്ച് ബഹാഉദ്ദീന് നദ്വി
മാലിന്യമുക്ത തിരഞ്ഞെടുപ്പ് പ്രാവര്ത്തികമാക്കാന് കേരളം
പുഴയിലെ മലിന ജലത്തില് മുങ്ങിക്കുളിച്ച് സ്ഥാനാര്ഥി
സൈക്കിൾ കോട്ട തിരിച്ചുപിടിക്കുക ദൗത്യം
ഇ പി ജയരാജന് ബി ജെ പിയിലേക്ക് പോകാന് ചര്ച്ച നടത്തി: കെ സുധാകരന്
