ഇതിഹാസങ്ങൾ വീണ്ടും കളത്തിലേക്ക്; സേഫ്റ്റി വേൾഡ് സീരീസ് മാർച്ച് ഏഴിന്

മുംബൈ | ഇന്ത്യയിൽ വർധിച്ച് വരുന്ന റോഡ് അപകടങ്ങളെക്കുറിച്ച് ജനങ്ങളെ ബോധവത്കരിക്കാൻ റോഡ് സേഫ്റ്റി വേൾഡ് സീരീസ് ക്രിക്കറ്റ് ടൂർണമെന്റ് നടത്തുന്നു.
ഉദ്ഘാടന മത്സരത്തിൽ ക്രിക്കറ്റ് ഇതിഹാസം സച്ചിൻ ടെൻഡുൽക്കറുടെ ഇന്ത്യ ലെജന്റ്‌സ് ബ്രയാൻ ലാറയുടെ വെസ്റ്റൻഡീസ് ലെജന്റ്‌സിനെ നേരിടും. മാർച്ച് ഏഴിന് വാങ്കഡെ സ്റ്റേഡിയത്തിലാണ് മത്സരം.

എത്ര ടീമുകൾ

ലോക ക്രിക്കറ്റിലെ മികച്ച അഞ്ച് ടീമികളായ ഇന്ത്യ, ആസ്‌ത്രേലിയ, ശ്രീലങ്ക, വെസ്റ്റൻഡീസ്, ദക്ഷിണാഫ്രിക്ക എന്നീ ടീമുകൾ തമ്മിലുള്ള ടി20 ടൂർണമെന്റാണ് റോഡ് സേഫ്റ്റി വേൾഡ് സീരിസ്.

കളിക്കാർ ആരൊക്കെ

മുൻ അന്താരാഷ്ട്ര ക്രിക്കറ്റ് താരങ്ങളായ സച്ചിൻ ടെൻഡുൽക്കർ, വീരേന്ദർ സെവാഗ്, യുവരാജ് സിംഗ്, സഹീർ ഖാൻ, ബ്രയാൻ ലാറ, ശിവ്നാരിൻ ചന്ദർപോൾ, ബ്രെറ്റ് ലീ, ബ്രാഡ് ഹോഡ്ജ്, ജോണ്ടി റോഡ്സ്, മുത്തയ്യ മുരളീധരൻ, തിലകരത്നെ ദിൽഷാൻ, അജന്ത് തുടങ്ങി വൻ താരനിരയാണ് ടൂർണമെന്റിൽ കളിക്കുന്നത്. മുൻ ഇന്ത്യൻ ക്യാപ്റ്റൻ, പത്മഭൂഷൺ ഇതിഹാസം സുനിൽ ഗവാസ്‌കറാണ് സീരീസ് കമ്മീഷണർ.

മത്സരങ്ങൾ

ഫൈനൽ അടക്കം ആകെ 11 മത്സരങ്ങളാണ് ടൂർണമെന്റിലുണ്ടാകുക. മുംബൈ വാങ്കഡെ സ്റ്റേഡിയത്തിൽ രണ്ടും, പൂണെ എം സി എ സ്റ്റേഡിയത്തിൽ നാലും, നവി മുംബൈയിലെ നെരുളിലെ ഡി വൈ പാട്ടീൽ സ്റ്റേഡിയത്തിൽ നാലും. ഫൈനൽ മത്സരം ക്രിക്കറ്റ് ക്ലബ് ഓഫ് ഇന്ത്യയിലെ ബ്രാബ്രോൺ സ്റ്റേഡിയത്തിലും നടക്കും. മാർച്ച് 14ന് ദക്ഷിണാഫ്രിക്കൻ ലെജന്റ്‌സിനെതിരെയും.
മാർച്ച് 20ന് ആസ്ത്രേലിയ ലെജന്റ്‌സിനുമെതിരെയുമുള്ള ഇന്ത്യയുടെ രണ്ട് മത്സരങ്ങൾ വാങ്കഡെ സ്റ്റേഡിയത്തിൽ നടക്കും. ഡി വൈ പാട്ടീൽ സ്റ്റേഡിയത്തിൽ ഒരു മത്സരം നടക്കും.

ടൂർണമെന്റിന്റെ ഉദ്ദേശ്യം

ഓരോ വർഷവും 1.5-2 ലക്ഷത്തിലധികം ആളുകൾ വാഹനാപകടങ്ങൾ കാരണം ഇന്ത്യൻ റോഡുകളിൽ മരിക്കുന്നു; ഓരോ നാല് മിനുട്ടിലും ഒരാൾ മരിക്കുകയും രാജ്യത്ത് ഓരോ ദിവസവും 1,214 റോഡപകടങ്ങൾ സംഭവിക്കുകയും ചെയ്യുന്നു. കഴിഞ്ഞ അഞ്ച് വർഷത്തിനിടെ 65 ലക്ഷത്തിലധികം ആളുകൾ പൂർണമായും അപ്രാപ്യമാക്കി. രാജ്യത്ത് ഏറ്റവുമധികം ആളുകൾ പിന്തുടരുന്ന കായിക ഇനമായതിനാൽ ക്രിക്കറ്റ് കളിക്കാരെ വിഗ്രഹങ്ങളായി കാണുന്നു, റോഡ് സുരക്ഷയെക്കുറിച്ച് അവബോധം സൃഷ്ടിക്കുന്നതിനും റോഡുകളിലെ അവരുടെ പെരുമാറ്റത്തെക്കുറിച്ച് ആളുകളുടെ മനോഭാവം മാറ്റുന്നതിനും റോഡ് സേഫ്റ്റി വേൾഡ് സീരീസ് ലക്ഷ്യമിടുന്നു.

“ഈ ടൂർണമെന്റിൽ വളരെയധികം ആവേശം ഉണ്ടായിട്ടുണ്ട്. ആളുകൾ ഷെഡ്യൂളിനും ടിക്കറ്റിനുമായി ആകാംക്ഷയോടെ കാത്തിരിക്കുകയായിരുന്നുവെന്ന് മഹാരാഷ്ട്ര റോഡ് സേഫ്റ്റി സെൽ സീനിയർ ട്രസ്റ്റ് ചെയർമാനുമായ കൊങ്കൺ റേഞ്ച് ആർ ടി ഒ ചീഫ് രവി ഗെയ്ക് വാദ് പറഞ്ഞു. റോഡ് സുരക്ഷ എന്നത് ഒരു ഗുരുതരമായ ആശങ്കയാണ്. ഇന്ത്യയിൽ ഓരോ നാല് മിനുട്ടിലും ഒരാൾ മരിക്കുന്നു, ഞങ്ങളുടെ റോഡുകൾ സുരക്ഷിതമാക്കുന്നതിനും വിലയേറിയ മനുഷ്യ ജീവൻ രക്ഷിക്കുന്നതിനും എല്ലാവരും കൈകോർക്കണമെന്ന്” അദ്ദേഹം കൂട്ടിചേർത്തു. ഈ ടൂർണമെന്റ് ഒരു ബ്രാൻഡായി പ്രചരിപ്പിക്കാൻ പദ്ധതിയുണ്ടെന്നും അദ്ദേഹം പറഞ്ഞു.

സംപ്രേഷണം

എല്ലാ മത്സരങ്ങളും വൈകീട്ട് ഏഴിന് ആരംഭിക്കും. കൂടാതെ ഡിജിറ്റൽ പങ്കാളികളായ VOOT, Jio എന്നിവക്കൊപ്പം COLORS Cineplex, COLORS Kannada സിനിമ എന്നിവയിൽ തത്സമയം ചെയ്യും.

ടിക്കറ്റ് ബുക്ക് ചെയ്യാം

മത്സരങ്ങളിലേക്കുള്ള ടിക്കറ്റുകൾ ഇന്നലെ മുതൽ ബുക്ക് മൈഷോയിൽ തത്സമയം പ്രക്ഷേപണം ചെയ്തുതുടങ്ങി. ടിക്കറ്റിന്റെ വില 50 രൂപ മുതൽ 500 രൂപ വരെയാണ്. ആരാധകർക്ക് അവരുടെ പ്രിയപ്പെട്ട കളിക്കാരെയും ടീമിനെയും തത്്സമയം കാണാൻ അവസരം നൽകുന്നു. ടിക്കറ്റ് വിൽപ്പനയിലൂടെ ലഭിക്കുന്ന വരുമാനത്തിന്റെ ഒരു ഭാഗം രാജ്യത്ത് റോഡ് സുരക്ഷയെക്കുറിച്ച് അവബോധം സൃഷ്ടിക്കുന്നതിനായി ഉപയോഗിക്കും.