National
റോഡുകള്‍ അനന്തമായി ഉപരോധിക്കാന്‍ അധികാരമില്ല; ശഹീന്‍ബാഗ് സമരത്തിനെതിരെ സുപ്രീം കോടതി
ന്യൂഡല്‍ഹി | പൗരത്വ ഭേദഗതി നിയമത്തിനെതിരെ ഡല്‍ഹിയിലെ ശഹീന്‍ബാഗില്‍ സ്ത്രീകളുടെ നേതൃത്വത്തില്‍ നടക്കുന്ന ചരിത്ര സമരത്തെ വിമര്‍ശിച്ച് സുപ്രീം കോടതി. റോഡുകള്‍ അനന്തമായി ഉപരോധിക്കാന്‍ ആര്‍ക്കും അധികാരമില്ലെന്നും ജനങ്ങളെ ബുദ്ധിമുട്ടിക്കരുതെന്നും സുപ്രീം കോടതി അഭിപ്രായപ്പെട്ടു. സമരം എത്ര ദിവസം വേണമെങ്കിലും തുടരാം. എന്നാല്‍ അത് നിശ്ചയിക്കപ്പെട്ട സ്ഥലത്ത് മാത്രമായിരിക്കണമെന്നും കോടതി വ്യക്തമാക്കി. വിഷയത്തില്‍ ഡല്‍ഹി പോലീസിനും സമരക്കാര്‍ക്കും ജസ്റ്റിസുമാരായ സഞ്ജയ് കിഷന്‍ കൗള്‍, കെ എം ജോസഫ് എന്നിവരടങ്ങിയ ബെഞ്ച് നോട്ടീസ് അയച്ചു.
ഡല്‍ഹി ഷഹീന്‍ബാഗ് സമരക്കാരെ ഒഴിപ്പിക്കാന്‍ ഉത്തരവിടണമെന്ന് ആവശ്യപ്പെട്ട് നല്‍കിയ ഹരജികള്‍ പരിഗണിക്കുന്നതിനിടെയാണ് കോടതിയുടെ അഭിപ്രായം. പൗരത്വ ഭേദഗതി നിയമത്തിനെതിരെ കഴിഞ്ഞ രണ്ട് മാസമായി നടക്കുന്ന റോഡ് ഉപരോധം മൂലം ജനം വലയുന്നു. ഇതിനാല്‍ സമരക്കാരെ ഒഴിപ്പിക്കാന്‍ പോലീസിനോട് ആവശ്യപ്പെടണമെന്നും ചൂണ്ടിക്കാട്ടി നല്‍കിയ ഹരജിയിലാണ് കോടതി നോട്ടീസ് അയച്ചരിക്കുന്നത്. നേരത്തെ സമാന വിഷയം ചൂണ്ടിക്കാട്ടി ഹരജിക്കാര്‍ ഹൈക്കോടതിയില്‍ പോയിരുന്നെങ്കിലും ഇടപെടാന്‍ കോടതി വിസമ്മതിക്കുകയായിരുന്നു. തുടര്‍ന്നാണ് സുപ്രീം കോടതിയിലെത്തിയത്.
Latest
ഇ വി എമ്മിന്റെ വിശ്വാസ്യത വോട്ടര്‍മാര്‍ക്കും ബോധ്യപ്പെടണം
മണ്ണു നീക്കുന്നതിനിടെ സ്റ്റീല്‍ ബോംബ് കണ്ടെയ്‌നര്‍ കണ്ടെത്തി
ആശങ്ക വേണ്ട കരുതലുണ്ട്; വില സ്ഥിരതയാണ് മുന്‍ഗണന: ലുലു ഗ്രൂപ്പ്
ദുരിതബാധിതരുടെ കണ്ണിരൊപ്പാനായി മലയാളി സന്നദ്ധ സംഘങ്ങള്‍ രംഗത്ത്
തങ്ങളെ മറന്ന നാട്ടുകാരോട് പരിഭവം പറഞ്ഞ് പ്രവാസികള്‍: പിന്തുണ അറിയിച്ച് മുഖ്യമന്ത്രി
കേരള സര്‍വകലാശാല പ്രഭാഷണം: ജോണ്‍ ബ്രിട്ടാസ് എം പിയോട് തെരഞ്ഞെടുപ്പ് കമ്മിഷന്‍ വിശദീകരണം തേടി
