Gulf
നിര്‍മാണ മേഖല മുന്‍കരുതലെടുക്കണമെന്ന് അബൂദബി നഗരസഭ
അബൂദബി | രാജ്യത്ത് പ്രതികൂല കാലാവസ്ഥ കാരണം അടിയന്തിര മുന്‍കരുതലുകള്‍ സ്വീകരിക്കണമെന്ന് കെട്ടിട നിര്‍മാണ മേഖലയില്‍ പ്രവര്‍ത്തിക്കുന്ന കമ്പനികളോട് അബൂദബി മുന്‍സിപ്പാലിറ്റി. എല്ലാ ലിഫ്റ്റിംഗ് പ്രവര്‍ത്തനങ്ങളും നിര്‍ത്തിവെച്ച് നിലവിലെ കാലാവസ്ഥയുടെ വെളിച്ചത്തില്‍ പ്രവര്‍ത്തിക്കണം. അതിവേഗ കാറ്റ് പോലുള്ള പ്രതികൂല കാലാവസ്ഥ നിലനില്‍ക്കുമ്പോള്‍ ആവശ്യമായ മുന്‍കരുതലുകളെടുക്കാന്‍ ആവശ്യപ്പെട്ടതായി നഗരസഭ അധികൃതര്‍ അറിയിച്ചു.
അനിഷ്ട സംഭവങ്ങള്‍ ഉണ്ടാകാതിരിക്കുന്നതിനും കുറക്കുന്നതിനും ആവശ്യമായ എല്ലാ നിയന്ത്രണ നടപടികളും നടപ്പാക്കണം. ടവര്‍, മൊബൈല്‍ ക്രെയിനുകള്‍, തൊട്ടിലുകള്‍ എന്നിവയുടെ എല്ലാ ലിഫ്റ്റിംഗ് പ്രവര്‍ത്തനങ്ങളും നിര്‍ത്തലാക്കണം. തുറന്ന സ്ഥലങ്ങളില്‍ ഉയരത്തില്‍ പ്രവര്‍ത്തിക്കണമെന്നും നഗരസഭ ആവശ്യപ്പെട്ടു. അസ്ഥിരമായ കാലാവസ്ഥയില്‍ ഉയരത്തിലുള്ള യന്ത്രങ്ങളും ഉപകരണങ്ങളും ഓഫ് ചെയ്യണം. ടവര്‍ ക്രെയിനുകളും സ്‌കാര്‍ഫോള്‍ഡിംഗും സുരക്ഷിതമാക്കണം. കൂടാതെ, എല്ലാ പൊളിക്കല്‍ പ്രവര്‍ത്തനങ്ങളും താത്ക്കാലികമായി നിര്‍ത്തിവെക്കണം.
നിലവിലെ കാലാവസ്ഥയില്‍ ഉണ്ടാകുന്ന അപകടങ്ങളെക്കുറിച്ച് തൊഴിലാളികളെ അറിയിക്കണമെന്നും ഉയര്‍ന്ന കാറ്റ് കുറയുന്നതുവരെ അടുത്തുള്ള അസംബ്ലി പോയിന്റുകളിലേക്ക് തൊഴിലാളികളെ മാറ്റണമെന്നും കമ്പനികളോട് നഗരസഭ ആവശ്യപ്പെട്ടു.
Latest
ആശങ്ക വേണ്ട കരുതലുണ്ട്; വില സ്ഥിരതയാണ് മുന്‍ഗണന: ലുലു ഗ്രൂപ്പ്
ദുരിതബാധിതരുടെ കണ്ണിരൊപ്പാനായി മലയാളി സന്നദ്ധ സംഘങ്ങള്‍ രംഗത്ത്
തങ്ങളെ മറന്ന നാട്ടുകാരോട് പരിഭവം പറഞ്ഞ് പ്രവാസികള്‍: പിന്തുണ അറിയിച്ച് മുഖ്യമന്ത്രി
കേരള സര്‍വകലാശാല പ്രഭാഷണം: ജോണ്‍ ബ്രിട്ടാസ് എം പിയോട് തെരഞ്ഞെടുപ്പ് കമ്മിഷന്‍ വിശദീകരണം തേടി
ജെ എസ് സിദ്ധാര്‍ത്ഥന്റെ മരണം: കേസ് സി ബി ഐ കോടതിയിലേക്ക് മാറ്റി
നവകേരള ബസ് അന്തര്‍ സംസ്ഥാന സര്‍വീസിനായി ഉപയോഗിക്കും
