Kerala
കുണ്ടറയില് ദമ്പതികള്ക്ക് നേരെ സദാചാര ഗുണ്ടായിസം; മൂന്ന് പേര് അറസ്റ്റില്
കൊല്ലം | കൊല്ലം കാവനാട്ട് ദമ്പതികള്ക്ക് നേരെ സദാചാര ഗുണ്ടായിസം. കാറില് യാത്ര ചെയ്ത കുണ്ടറ സ്വദേശികളായ ദമ്പതികളെയാണ് അഞ്ചംഗ സംഘം ആക്രമിച്ചത്. സംഭവത്തില് ശക്തികുളങ്ങര സ്വദേശികളായ സുനി, കണ്ണന്, കാവനാട് സ്വദേശി വിജയലാല് എന്നിവര് അറസ്റ്റിലായി. സംഘത്തിലെ രണ്ട് പേര്ക്കായി ശക്തികുളങ്ങര പോലീസ് തിരച്ചില് തുടങ്ങി.
ഇന്നലെ രാത്രി 10.30ഓടെയാണ് സംഭവം. സുഹൃത്തിന്റെ വീട്ടില് നിന്ന് സ്വന്തം വീട്ടിലേയ്ക്കുള്ള യാത്രക്കിടെ കാവാനാട്ടുവെച്ച് ദമ്പതികളും സുഹൃത്തുക്കളും സഞ്ചരിച്ചിരുന്ന കാറിന് തകരാറുണ്ടായി. ഇതേ തുടര്ന്ന് തകരാര് പരിശോധിക്കുകയായിരുന്നു യുവാവ്. ഇതിനിടയിലാണ് അഞ്ചംഗ സംഘം ചോദ്യങ്ങളുമായി എത്തിയത്.
ഇവര് യുവാവിനെയും സുഹൃത്തിനെയും ആക്രമിക്കുകയായിരുന്നു. യുവതിക്ക് നേരെയും ആക്രമണമുണ്ടായി. തുടര്ന്ന് ദമ്പതികള് ദൃശ്യങ്ങള് പകര്ത്താന് ശ്രമിച്ചു. അത് കൂടുതല് പ്രകോപനത്തിന് കാരണമായി. കാറിലുണ്ടായിരുന്ന അരയ്ക്ക് താഴെ സ്വാധീനമില്ലാത്ത ഇവരുടെ സുഹൃത്ത് ഉള്പ്പെടെ നാല് പേരെയും സംഘം മര്ദ്ദിച്ചു.സംഭവ സ്ഥലത്ത് എത്തിയപോലീസ്മൂന്ന് പേരെ അറസ്റ്റ് ചെയ്തു. രണ്ട് പേര് സ്ഥലത്ത് നിന്ന് രക്ഷപെട്ടിരുന്നു.