Gulf
ജാലകങ്ങളുടെ അടുത്തോ ബാല്‍ക്കണികളിലോ ഫര്‍ണിച്ചറുകള്‍ ഉപേക്ഷിക്കരുത് ; ശൈത്യാകാല നിര്‍ദേശങ്ങളുമായി പോലീസ്
അബുദാബി |ശൈത്യം ആരംഭിച്ചതോടെ ഉയര്‍ന്ന താമസസ്ഥലങ്ങളില്‍ താമസിക്കുന്നവര്‍ അപകടങ്ങള്‍ തടയുന്നതിന് എല്ലാ മുന്‍കരുതല്‍ നടപടികളും സ്വീകരിക്കണമെന്ന് പോലീസ് അറിയിച്ചു. ഈ സീസണില്‍, കൂടുതല്‍ താമസക്കാരും ജാലകങ്ങള്‍ തുറന്ന് ശീതകാറ്റ് വീശാന്‍ അനുവദിക്കുന്ന പ്രവണതയുണ്ട്. ജാലകങ്ങള്‍ വഴി കുട്ടികള്‍ വീഴാന്‍ സാധ്യത കൂടുതലാണ്. കുട്ടികളുടെ സുരക്ഷക്ക് പ്രഥമ സ്ഥാനം നല്‍കണം .അബുദാബി പോലീസ് മാതാപിതാക്കളെ ഓര്‍മ്മിപ്പിച്ചു. കുട്ടികളെ ഒരിക്കലും എവിടെയും ശ്രദ്ധിക്കാതെ വിടരുത്. അടുത്തിടെ, ഷാര്‍ജയിലെ എട്ടാം നിലയിലെ ഒരു അപ്പാര്‍ട്ട്‌മെന്റില്‍ നിന്ന് ഒരു പിഞ്ചുകുഞ്ഞ് വീണ് മരിച്ചിരുന്നു. കഴിഞ്ഞ മൂന്ന് വര്‍ഷങ്ങളില്‍, രണ്ട് മുതല്‍ 10 വയസ് വരെ പ്രായമുള്ള 15 കുട്ടികളാണ് കെട്ടിടത്തിന് മുകളില്‍ നിന്ന് വീണ് മരിച്ചത്.
കുട്ടികളുടെ സുരക്ഷ ഉറപ്പാക്കാന്‍ മുതിര്‍ന്നവര്‍ ഇല്ലെങ്കില്‍ ബാല്‍ക്കണികളും ജാലകങ്ങളും കര്‍ശനമായി പൂട്ടിയിരിക്കണം. കുട്ടികള്‍ പ്രായമുള്ളവരാണെങ്കില്‍ പോലും, മാതാപിതാക്കള്‍ വെളിയിലായിരിക്കുമ്പോള്‍ ബാല്‍ക്കണി പൂട്ടിയിടുന്നത് എല്ലായ്‌പ്പോഴും നല്ലതാണ് അബുദാബി പോലീസ് ഉപദേശിച്ചു. മെറ്റല്‍ ബാറുകള്‍ സ്ഥാപിക്കുമ്പോള്‍ നല്ല നിലവാരമുള്ള ബാറുകള്‍ ഉപയോഗിക്കണം, അതിനിടയില്‍ ഇടുങ്ങിയ ഇടങ്ങളുണ്ട്. തീപിടുത്തമോ അടിയന്തിര സാഹചര്യങ്ങളോ ഉണ്ടായാല്‍ ഈ ബാറുകള്‍ തുറക്കുന്നതിനും നീക്കം ചെയ്യുന്നതിനും സുരക്ഷിതമായ മാര്‍ഗമുണ്ടായിരിക്കണമെന്ന് പോലീസ് ചൂണ്ടിക്കാട്ടി. കുട്ടികള്‍ അപകടപ്പെടാതിരിക്കാന്‍ ജാലകങ്ങളുടെ അടുത്തോ ബാല്‍ക്കണികളിലോ ഒരു ഫര്‍ണിച്ചറും ഉപേക്ഷിക്കരുതെന്ന് പോലീസ് മാതാപിതാക്കളെ ഓര്‍മ്മിപ്പിച്ചു.
Latest
നിമിഷപ്രിയയെ കാണാന് മാതാവിന് അനുമതി; 11 വര്ഷങ്ങള്ക്കു ശേഷമുള്ള കൂടിക്കാഴ്ച
അബ്ദുർറഹീമിന്റെ മോചനം; പണം കൈമാറാനുള്ള നടപടി പുരോഗമിക്കുന്നു
പ്രചാരണത്തിന് ഇന്ന് തിരശ്ശീല വീഴും;നാളെ നിശബ്ദ പ്രചാരണം
ചെറുതല്ല ഈ മത്സരം
ഗസ്സാ യുദ്ധം 200ാം ദിനം; ക്രൂരതയുടെ ഞെട്ടിക്കുന്ന വിവരങ്ങൾ പുറത്ത്
ഗല്ലികളിൽ ആസാദി മുഴക്കം
