Kerala
യു കെ ജി വിദ്യാര്ഥിനി ഉറങ്ങിപ്പോയി; ഒറ്റപ്പാലത്ത് സ്കൂള് അധികൃതര് ക്ലാസ് മുറി പൂട്ടി പോയി
പാലക്കാട് | ഒറ്റപ്പാലത്ത് യു കെ ജി വിദ്യാര്ഥിനിയെ ക്ലാസ്മുറിയില് പൂട്ടിയിട്ടു. ക്ലാസില് ഉറങ്ങിപ്പോയ കുട്ടിയെയാണ് പൂട്ടിയിട്ടതെന്നാണ് അറിയുന്നത്. തിങ്കളാഴ്ച വൈകീട്ട് വാണിയംകുളം പത്തംകുളം സ്കൂളിലാണ് സംഭവം.
സ്കൂള് സമയം കഴിഞ്ഞിട്ടും കുട്ടി വീട്ടിലെത്താതിരുന്നതിനേത്തുടര്ന്ന് വീട്ടുകാര് അന്വേഷിച്ച് സ്കൂളിലെത്തുകയായിരന്നു. സ്കൂളില് എത്തിയപ്പോള് ക്ലാസ് മുറിയില് ഉറങ്ങിയ നിലയില് കുട്ടിയെ കണ്ടെത്തി. ഈ ദൃശ്യങ്ങള് ഇവര് മൊബൈലില് പകര്ത്തുകയും ചെയ്തു. ദൃശ്യങ്ങള് സമൂഹമാധ്യമങ്ങളില് പ്രചരിച്ചതിന് പിന്നാലെയാണ് ഈ വിവരം നാട്ടുകാര് അറിഞ്ഞത്. സംഭവം വിവാദമായതിന് പിന്നാലെ സ്കൂള് അധികൃതര് വീട്ടിലെത്തി രക്ഷിതാക്കളോട് മാപ്പു പറഞ്ഞ് പ്രശ്നം പരിഹരിച്ചെന്നാണ് വിവരം. സംഭവത്തില് കുട്ടിയുടെ രക്ഷിതാക്കള് പരാതി നല്കിയിട്ടില്ലെന്നാണ് അറിയുന്നത്.
---- facebook comment plugin here -----