Connect with us

Gulf

ദേശീയ ദിന ആഘോഷ തിമർപ്പിൽ തലസ്ഥാന നഗരി

Published

|

Last Updated

അബുദാബി | ദേശീയ ദിനാഘോഷം രണ്ടാം ദിവസമായ ഇന്നലെയും തലസ്ഥാന നഗരി സമുചിതമായി ആഘോഷിച്ചു. പ്രധാന ലാൻ‌ഡ്‌മാർക്കുകൾ‌, വിദ്യാഭ്യാസ സ്ഥാപനങ്ങൾ‌, മാളുകൾ‌, പൊതു സ്ഥലങ്ങൾ‌ എന്നിവിടങ്ങളിൽ ഇന്നലെ  നിരവധി ദേശീയ ദിനാഘോഷ പരിപാടികളാണ് അരങ്ങേറിയത്. പ്രസിഡൻഷ്യൽ കൊട്ടാരമായ ഖസ്ർ അൽ വതനിൽ ഇമറാത്തി പൈതൃകത്തെ ആകർഷകമാക്കുന്ന നിരവധി പരിപാടികളാണ് അരങ്ങേറിയത്.

ദേശീയ പതാകയുമായി ഗാർഡുകൾ നയിച്ച പരേഡിൽ കുതിരകൾ, സൈക്ലിസ്റ്റുകൾ, അബുദാബി പോലീസ് മ്യൂസിക് ബാൻഡ് എന്നിവ ആഘോഷങ്ങൾക്ക് മിഴിവേകി. ദിബ അൽ ഹർബിയ ഗ്രൂപ്പ് ഒരുക്കിയ അയല നൃത്തം ഉൾപ്പെടെയുള്ള പരമ്പരാഗത പ്രകടനങ്ങൾ സന്ദർശകരെ രസിപ്പിച്ചു. കൊട്ടാരത്തിനായി ഇമറാത്തി താരം അഹ്മദ് അൽ മൻസൂരിയാണ് ദേശീയ ഗാനം തയ്യാറാക്കിയത്. കോർണിഷിലെ അഡ്‌നോക് ആസ്ഥാനം ഉൾപ്പെടെയുള്ള പ്രധാന കെട്ടിടങ്ങൾ ദേശീയ നിറങ്ങളിലും സന്ദേശങ്ങളിലും കത്തിച്ചു. നാഷണൽ ടവേഴ്സ് ലൈറ്റ് ലേസർ പെയിന്റിംഗ് പോപ്പ്-അപ്പ് പ്രദർശിപ്പിച്ചു.

നഗരത്തിൽ അൽ വഹ്ദ മാളിൽ ലെബനൻ ഗായകൻ ജോ കൊയിക് അറബി സംഗീത നിഷ ഒരുക്കി. ഖാലിദിയ  മാളിൽ ഖലീജി നൃത്ത പരിപാടികൾ അരങ്ങേറി. മദീനത്ത് സായിദ് ഷോപ്പിംഗ് സെന്ററിൽ ഫെയ്സ് പെയിന്റിംഗ്, കുട്ടികൾക്കുള്ള ഗെയിമുകൾ എന്നിവ നടന്നു. ദേശീയ ദിനത്തോടനുബന്ധിച്ച് യാസ് മറീന സർക്യൂട്ട് അബുദാബി ഗ്രാൻഡ് പ്രീ ദേശീയദിനം ആഘോഷിച്ചു. കൂടാതെ ഫാൻ സോണിലെ ഹെറിറ്റേജ് വില്ലേജിൽ തത്സമയ വിനോദവും തെരുവ് പ്രകടനങ്ങളും ഉൾപ്പെടെ നിരവധി ആഘോഷ പരിപാടികളാണ് ഒരുക്കിയത്.

അബുദാബി ന്യൂയോർക്ക് യൂണിവേഴ്സിറ്റിയിൽ വിദ്യാർത്ഥികൾ, ഫാക്കൽറ്റി, സ്റ്റാഫ്, കുടുംബാംഗങ്ങൾ എന്നിവർക്കായി കല, സാംസ്കാരിക പ്രകടനങ്ങൾ എന്നിവ സംഘടിപ്പിച്ചു. കൂടാതെ  ഇമറാത്തി കരകൗശല പ്രദർശനവും വർക്ക്‌ഷോപ്പും, ഭാഷ പഠിക്കുന്ന അന്തർ‌ദ്ദേശീയ വിദ്യാർത്ഥികൾ‌ക്ക് അറബിക് റാംസ ചലഞ്ച്, മൈലാഞ്ചി കോർണർ എന്നിവ  ദേശീയ ദിനാഘോഷത്തിന്റെ ഭാഗമായി ഒരുക്കിയിരുന്നു. അബുദാബി സാംസ്കാരിക, ടൂറിസം വകുപ്പ് അൽ ഐൻ അൽ ജാഹിലി കോട്ടയിൽ നിരവധി സാംസ്‌കാരിക പരിപാടികളാണ് സംഘടിപ്പിച്ചത്.

വിദ്യാഭ്യാസ വർക്ക്‌ഷോപ്പുകൾ, പരമ്പരാഗത സ്‌പോർട്‌സ് ഫാൽക്കൺറി, സാലുകി മത്സരങ്ങൾ, പരമ്പരാഗത ഭക്ഷണങ്ങളുടെ തത്സമയ പാചകം, കവിതാ സെഷനുകൾ, സംഗീതം, ആയോധനകല, പോലീസ് ഡോഗ് ഷോ പ്രദർശനം എന്നിവയാണ് ഒരുക്കിയത്. അബുദാബി ഇസ്ലാമിക് സെന്ററിന്റെ നേതൃത്വത്തിൽ കോർണിഷിൽ ദേശീയ ദിനാഘോഷത്തിന്റെ ഭാഗമായി വാക്കത്തോൺ സംഘടിപ്പിച്ചു.

Latest