മാതാപിതാക്കളുമായി ലൈംഗിക ബന്ധത്തില്‍ ഏര്‍പെടാമെന്ന് യുക്തിവാദി പ്രഭാഷകന്‍

Posted on: December 4, 2019 8:27 pm | Last updated: December 4, 2019 at 8:27 pm

കോഴിക്കോട് | മാതാപിതാക്കളുമായും സഹോദരങ്ങളുമായും ലൈംഗികബന്ധത്തില്‍ ഏര്‍പെടുന്നത് തെറ്റല്ലെന്ന വിചിത്രവാദവുമായി യുക്തിവാദി പ്രഭാഷകന്‍. പരസ്പര സമ്മതമുണ്ടെങ്കില്‍ ആരുമായും ലൈംഗിക ബന്ധത്തില്‍ ഏര്‍പെടാമെന്ന് യുക്തിവാദി പ്രഭാഷകന്‍ ആലപ്പുഴ സ്വദേശി മനു പ്രസാദ് പറഞ്ഞു. യുക്തിവാദി സംഘം കോഴിക്കോട്ട് സംഘടിപ്പിച്ച ലിറ്റ്മസ് 19 എന്ന സ്വതന്ത്ര ചിന്താ സെമിനാറിലാണ് മനു വിചിത്ര വാദം ഉയര്‍ത്തിയത്.

സ്വതന്ത്ര ചിന്തകര്‍ എന്നാല്‍ സ്വതന്ത്ര ലൈംഗികതയുടെ പതാകവാഹകര്‍ ആണെന്ന് പറയാനാവില്ല. എന്നാല്‍ അത് സ്വതന്ത്ര ചിന്തയുടെ ഭാഗമാണ്. പരസ്പര സമ്മതത്തോടെയുള്ള ലൈംഗിക ബന്ധത്തെ ഒരു കാരണത്താലും എതിര്‍ക്കേണ്ടതില്ല. അത് ഇന്‍സെസ്റ്റ് സെക്‌സ് (മാതാപിതാക്കള്‍, സഹോദരങ്ങള്‍ തുടങ്ങിയവരുമായുള്ള ബന്ധം) ആയാല്‍ പോലും – മനു പറഞ്ഞു.